ADVERTISEMENT:

 
 

Ramuzika wa muzika wa rege na gospel Rofhiwa Nethwadzi o anḓadza aḽibamu yawe ya vhuvhili ye yavha yo lindelwa nga vhanzhi. Tshifanyiso: Mukhethwa Pharamela NYV Photos.

Rofhiwa o anḓadza aḽibamu yawe ya vhuvhili.

 

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Ramuzika wa muzika wa rege na gospel Rofhiwa Nethwadzi o anḓadza aḽibamu yawe ya vhuvhili ye yavha yo lindelwa nga vhanzhi, ine ya vhidzwa Ndi nne onoula nga Mugivhela wa ḽa fumbili-ṱhanu Ḽara. Aḽibamu iyo ina nyimbo dza fumi-raru, na mbili dza u inga nga nṱha. Rofhiwa ane avha na minwaha ya furaru-raru o bebwa kusini kwa Tshiheni, he a fhedza o pfulutshela Tshirenzheni, ngei Nzhelele. Zwa muzika khae ndi zwine a ita nga tshifhinga tsha uḓi mbvumbvusa sa izwi a tshi shuma kha muhasho wa mulayo sa Paralegal vunḓuni ḽa Gauteng.

O thoma na nḓowetshumo ya muzika a na minwaha ya fumi-na-raru, hone sa ramuzika muṅwe na muṅwe o fanela udi sikela dzina nga u shuma oḓi imisela. Uri vhathu vhevha mu ṱuṱuwedza kha muzika ndi vhoramuzika vha fanaho na Colbert Mukwevho, munnaavhane Lucky Dube na Humbulani Ramagwedzha. Nga murahu ha minwaha i swikaho mahumi mavhili ṅwaha wo fhiraho, o ḓou anḓadza nyimbo yawe ya u thoma, Zwanga azwilugi, a tshi edza luimbo lwa Makhadzi, Ganama. Lwe lwa mu vulela nḓila kha nḓowetshumo ya muzika.

Rofhiwa ono anḓadza nyimbo dziswikaho dza rathi zwa zwino, hu tshi katelwa na dze avha a khou imbela Adziambei N, Makadzi na Khakhathi Murida.

Naho a tshi sedza dzhia muzika sa nḓila ya uḓi mbvumbvusa, khaedu ine a ṱangana nayo zwihulu ndi u tswelwa muzika wavho. “Ri shuma roḓi imisela na u shumisa maanḓa ashu u ṋea vhatakaleli vhashu muzika wa khwine, fhedzi hu na vhathu vhanzhi vhane vha tswa mizika yashu zwine zwavha uri fhura malamba ashu. Ndi tou tama vhatevheli na vhatakaleli vha mizika yashu vha tshi nga renga dzi CD na u thetshelesa mizika yashu kha masiaṱari a mizika, ngauralo zwi ḓo leluwa.”

Aḽibamu i khou wanala kha masiaṱari a mizika kha zwileludzi kana vha kwama Rofhiwa kha siaṱari ḽawe ḽa Facebook (Rofhiwa Mudifho Nethwadzi), hone ina nyimbo dzi katelaho Ndi ṅwana Muṱuku (ft Reanay), Ndi nne onoula, Dithogomeleni, Ndo muwana (ft Venda Boy) na Zwiitwa nga Lufuno (ft Gera Beatz).

 

Date:01 December 2023

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 250

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles