ADVERTISEMENT:

 
 

Redzhisiṱara ntswa vha Univen, Dokotela Vho Joel Baloyi. Tshifanyiso tsho bveledzwa.

Vho Joel Baloyi vho humela Univen sa mushumi muswa.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Nga minwaha ya gidiḓaṱahe fuṱahe na minwaha ya gidimbili, Dokotela Joel Baloyi vhovha vhe munwe wa vhagudiswa vha Yunivesithi ya Venda (Univen), nga uvha na ḓora ḽa uvha na vhumatshelo havhuḓi nga kha ngudo, vho humela kha gudedzi iḽo ḽa Univen. Zwa zwino vha ḓo shuma sa muredzhisiṱara muswa wa gudedzi ilo. Vho tiiwa nga ḽa u thoma ḽa Lara ṅwaha uno.

Lwendo lwa Vho Baloyi lwo thoma tshikoloni tsha fhasi tsha Tinyiko, kusini kwa mahayani kwa Mtititi nnḓa ha Malamulele, nga ṅwaha wa gidiḓaṱahe fumalo-ṱhanu. Vho ḓou fhirela tshikoloni tsha nṱha tsha Shitlhangoma nga ṅwaha wa gidiḓaṱahe fuṱahe he vha phasa murole wa vhufumi-na-mbili. U fhedza afho vhoya u bvela phanḓa na ngudo dzavho kha gudedzi ḽa Univen, he vha wana digirii ya Bluris, vha fhedza vho wana digirii ya LLB.

Vho no kana zwinzhi kha sia ḽa pfunzo hune vho no shuma kha maimo a ndeme, hu tshi katelwa u shuma lwa minwaha ya rathi kha gudedzi ḽa Yunivesithi ya Afrika Tshipembe (Unisa) sa mudededzi muhulwane wa thero dza milayo na minwaha ya rathi sa muredzhisiṱara muthusi.

Vho Baloyi vha ḓo ḓisa tshenzhemo ya ndeme kha gudedzi ḽa Univen, tshenzhemo ine ya ḓo tikwa nga pfunzo ya nṱha, zwihulu ngauri vho no shela mulenzhe kha dzi nyanḓadzo dza u mona na ḽifhasi na u sengulusa maṅwalwa a zwa mulayo.

Vhari vhuimo uvhu khavho i touvha khuliso na u ṱanganedzwa hayani. “Ndo takala vhukuma ndo vhuya udisa tshumelo hayani. Heḽi gudedzi ndi ḽone ḽe ḽa ntswikisa hune ndavha hone namusi. Ndi vhona hu tshone tshifhinga tsha u vhuyedza he nda thoma hone. Ndi na fulufhelo ḽauri ndi ḓo shuma zwavhuḓi na vhavhulangi, matshudeni na vhanwe vha vhashumi vha Univen. Ro rali na u shumisana zwavhuḓi, rido kona u takusa Yunivesithi yashu ra i swikisa mathakheni,” vha amba.

Vho vice-chancellor na ṱhoho ya Univen, Vhodokotela Bernard Nthambeleni, vho ṱahisa Vho Baloyi sa ṱhoḓea yone yone kha gudedzi ḽa Univen. “Ri tenda uri tshenzhemo yavho ya masia a u fhambana i ḓo shela mulenzhe zwihulu kha u isa gudedzi ḽashu kha lunwe luṱa. Ri nga takalela uri vhafaramikovhe vhoṱhe vha vha tikedze kha lwendo lwavho,” vha amba.

 

Date:17 November 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 278

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT