ADVERTISEMENT:

 
 

Dokotela Vho Alugumi Ndou vho wedza ndoro yavho ya uvha na vhudokotela kha information science u bva UNISA. Tshifanyiso tsho bveledzwa.

Vho Ndou vha sumbedza uri pfunzo ai alutshelwi.

 

Tshiṱori nga: Vha Education Ṱhalutshedzo nga: Khathutshelo Raliphaswa.

Nga u touvha na ṱhanziela ya murole wa vhufumi, Vho Alugumi Ndou vho thoma buḓo ḽavho ḽa u shuma musi vha tshi thoma u shuma yunivesithi ya Venda sa muthusi wa ḽaiburari. Naho vha tshi bva kha muṱa une aungo dzula zwavhuḓi, avha ngo laṱela thaula kha ndoro dzavho dza u swikelela zwa khwine vhutshiloni. Nga murahu ha u shuma vho ḓi imisela lwa minwaha ya fumbili-thihi, Vho Ndou vha na vhudokotela ha Information Science, ye vha i ṱhaphudza Yunivesithi ya Afrika Tshipembe (UNISA).

Vho Ndou vho bebwa vha aluwa Harabali. Vha phasa murole wa vhufumi-na-mbili tshikoloni tsha nṱha tsha Patrick Ramaano, nga hone u shaya masheleni a u bvela phanḓa na pfunzo dzavho, vho ḓou kombetshedzea u dzula hayani. Vhovha vha mashudu musi vha tshi wana mushumo wa uvha muthusi ḽaiburari kha gudedzi ḽine zwino ḽa vhidzwa Makhado College of Education, hone nga ṅwedzi wa Lara nga ṅwaha wa gidiḓaṱahe fuṱahe-rathi vha tholiwa ḽaiburari ya Univen.

Vhori vha henefha, vhavha vha khou bvela phanḓa na ngudo dzavho. Vho kona u wana dipiḽoma ya vhulangi, digirii ya vhubindudzi, nḓadziso ya dipiḽoma kha information science, masiṱasi digirii ya information science, zwino vho wana vhudokotela kha information science.

Vho nwala nga ṱhoho ya “Opportunities and Challenges of Integrating Information Literacy as a Credit-bearing Module into First-Year Level Academic Programmes at the Yunivesithi of Venda, South Africa,” he vha eletshedzwa nga Dokotela Vho A. Zimu-Biyela

Zwa zwino vha shuma ḽaiburari ya Yunivesithi ya Venda.

Vha eletshedza vhaswa uri vha shume vho ḓi funga uri vha kone u swikelela ndoro dzavho. “Ndi dzulela udi ṱuṱuwedza nga maipfi a muphuresidennde wa kale Vho Thabo Mbeki auri ‘Zwi vhonala zwi tshi konḓa musi u sa athu u fhedza’. Arali vhaswa vhoṱhe vha vhea pfunzo phanḓa, shango ḽashu ḽi nga ḓala zwikhala zwa khwine, vhushai havha zwithu zwa murahu. Pfunzo ndi ya ndeme ine ya kona u fhaṱa mirafho na lushaka,” vha amba.

 

Date:07 November 2023

By:

Read: 226

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles