Burning Spear vho ita ḓivhazwakale luvhanḓeni lwa Hamakhuvha

Tshiṱori nga Victor Mukwevho. Ṱhalutshedzo nga Khathutshelo Raliphaswa.

Ḽidzhakanḓila kha muzika wa reggae Winston Rodney, vhane vha ḓivhea kwine nga ḽa Burning Spear, vho ita ḓivhazwakale musi vha tshi dalela luvhanḓe lwa Hamakhuvha vhege yo fhiraho nga Lavhuṋa. Hafho ndi he vha mbvumbvusa vhathu nga nḓila ya maṱhakheni isa athu u vhonwa.

Bepha iḽo ḽofarelwaho Hamakhuvha vhege yo fhiraho ḽovha ḽo dzudzanyelwa u hulisa ḽidzhakanḓila kha muzika wa reggae fhano Afrika Tshipembe Dr Colbert Mukwevho sa muṅwe wa vhoramuzika vhane vha takalelwa u mona na Afrika.Hupfi musi Burning Spear vha tshi vhona,Dr Colbert Mukwevho vha tshi khou mbvumbvusa vhathu ngei, Emperor’s place Gauteng mathomoni a vhege vho ḓou takalela nḓila ine vha imba ngayo nau vhulunga muzika wa reggae, hezwo zwo ḓou ita uri Burning Spear vha katele Venda kha madalo avho a One People’s Tour, ndi zwe vha konou swika na fhano Venda.

Musi ramuzika wa fhano hayani Khakhathi “Murida” Tshisikule a tshi ḓivhadza ramuzika vha bvaho Jamaica, Vho Burning Spear, vhafuni vhatikedzi vha muzika wa reggae vhe vhavha vhe afho Hamakhuvha vho ḓou thoma u bvumela nga mitevhe ya Vho Burning Spear ine ya ḓivhea ya “Mama Africa” na “One Africa, One People.”

“Hezwi zwi touvha ḓuvha ḽa ḓivhazwakale kha matshilo ashu. Vho Burning Spear vho ḓa u mbvumbvusa vhathu fhano Venda lwau tou thoma, hone hu nga ḓi vha hovha lwa u fhedza vha tshi dalela Venda, hone rovha murafho wau tou thoma u vhona izwi zwi tshi itea,” hu amba Khakhathi. “Vho Burning Spear vho shela mulenzhe zwihulu khauri huvhe na mbofholowo kha dzhango haya ḽa Afrika. Zwa zwino ngauri ndi fhethu hune ahu tshena zwau languliwa nga vhatshena, Vho Burning Spear vha kha madalo avho a muzika u mona na Afrika loṱhe.”

Nga murahu hau ḓivhadziwa, ramuzika vha miṅwaha ya fusumbe-ṱahe vho ḓou dzhena luvhanḓeni vha tshi tou fana na vhuṱukuni haho vha tshe muswa vha thoma u kunga vhathu vha tshi ya nṱha na fhasi nga mutevhe tsindo wa Mexico.

Nga murahu ha luimbo luṅwe na luṅwe, Vho Burning Spear vho ḓou imisa tshanḓa tshavho tsha u ḽa vhari, “Na vhathu ni khaḓi ṱoḓa dziṅwe nyimbo dza vhubvo ha raggae? Naa nina vhuṱanzi uri ni khaḓi ṱoḓa dziṅwe nyimbo? Ni na ḓora ḽa muzika wa reggae? Rastafari!”

Lidzhakanḓila kha muzika wa reggae fhano hayani Vho Colbert Mukwevho vhovha vhone ramuzika vhevha thoma u vula luvhanḓe nga ḓuvha iḽo, he vha humbudza vhatevheli vhafuni kha maḓuvha a murahu kha aḽibamu yavho ya ‘The comforters and Harley and the Rasta Family. Vho Colbert Mukwevho vho tou humbudza vhathu munnaavhane Vho Bob Marley ngau imba nyimbo dzi fanaho na “War” na “Exodus”.

Date:08 November 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 9