Mushumo wa bada ya R522 wo ima nga nṱhani ha u sudzuluswa ha vhulangi ha RAL

Tshiṱori nga: Andries Van Zyl. Ṱhalutshedzo nga Khathutshelo Raliphaswa.

Tshumelo dzoṱhe dza mushumo wa bada ya R522 ine yavha vhukati ha Louis Trichardt na Vivo yo dovha hafhu u ima zwa vhege yo fhelaho, izwo zwo vhangiwa nga u sinyuwa ha vhashumisi vha bada iyo.

Nga ṅwedzi wa Fulwana ṅwaha uno, vha nyanḓadza mafhungo vho vhiga nga ha mbilaelo dza vhashumisi vha bada vhane vhovha vha khou amba zwauri mushumo u khou ongolowa. Hone nga ṅwedzi wa Shundunthule ṅwaha uno, zwipiḓa zwihulu zwa bada zwo ḓou bvisiwa, he bada ya sala i bada ya buse.

Muambeli wa RAL Vho Danny Legodi vho amba zwauri, mushumo aungo ima, fhedzi ho tou khethekanyiwa mishumo, hune minwe yo fhela, minwe i kati ngeno minwe i kha luṱa lwa u thoma. Vho amba nga ha mishumo ine yo no fhela na ine i kati hone na afho hune vhane vha dzi thandela vhavha hone zwa zwino.

Nga murahu hau anḓadzwa ha mafhungo nga nyandadza mafhungo ya Limpopo Mirror  nga ṅwedzi wa Fulwana, vhareili vho ḓou ṱahisa u fushea havho. Fhedzi zworalo, zwo ḓou shanduka nga tshihaḓu, he vhege mbili dzo fhiraho, vhareili vho ḓou dovha hafhu vha isa mbilaelo uri mushumo we wa itwa a ungo kona u shumela vhareili lwa tshifhinga tshilapfu.

Vha RAL vho ḓou vhudzisiwa hafhu uri ndi ngani mushumo ha bada iyo ine ya shumiseswaho wo ḓou ima.

“Sa zwe zwa ambiwa murahu, mushumo wa bada ya R522 (P98/2) u kati hone fhasi ha thandela ya T1256C. Izwi zwi katela u vusuludza, u thivha ho gweaho, na u khwifhadzwa ha maitele au bvisa maḓi. Vha dzhendedzi ḽa dzi bada Limpopo (RAL) vha khou ḓivha nga ha mushumo wa bada ya R522 une wo imiswa zwa zwino, hone ri a pfesesa masiandaitwa a u imiswa ha tshumelo. Zwa zwino, vha RAL vha khou ambedzana na vha thandela nga ha zwine zwa khou itea nau tea u itiwa hanefho zwine zwo kwama tshumelo zwa zwino nga nḓila dzine asi dzavhuḓi,”izwi ndi zwe zwa fhinduliwa nga Vho Luyanda Sithole, mulangi wa vhudavhidzani ha RAL.

“Ri nga takalela u ḓivhadza vhafaramikovhe vhoṱhe zwauri ri khou shuma nga nḓila dzoṱhe uri ri tandulule khaedu dzine ra khou ṱangana nadzo hune ra ḓo vha ḓivhadza musi mushumo u tshi bvela phanḓa. Ri livhuwa u ri konḓelela havho nga tshifhinga tshau rali, “ Vho Sithole vha amba.

Hu humbulelwa uri khaedu idzo dza mishumo uyo ndi dzine dzo vhangiwa nga uḓi rula mishumo ha miraḓo miraru ya bodo ṅwedzi wo fhiraho, zwe zwa sia bodo i tshi kundelwa u vhumba vhurangaphanḓa. Nga Musumbuluwo wa vhege yo fhelaho, MEC vha zwa mishumo ya vhathu na bada Vho Ernest Rachoene vho ḓivhadza u khethwa ha vha ndaulo ya zwa masheleni vha RAL. Vho ḓivhadza Vho Moses Tseli lwa tshiofisi kha vha RAL na vhulangi ha muhasho fhala ofisini khulwane dza Polokwane. Avho vho ḓivhadziwaho vho tholiwa hu tshi tevhedzwa tshiteṅwa tsha 49(3) tsha vhulangi ha tshikwama tsha lushaka tsha 1999.

Vho Tseli ndi vhane vha ḓivhea fhano hayani. Vha tshimebi tshihulwane tsha kale kha masipala wapo wa Makhado he vha shuma sa Murado wa halamennde ya lushaka vhukati ha minwaha 2014 na 2019. Vho dovha hafhu vha shuma kha muhasho wa mveledziso ya ikonomi, vhupo na vhuendela mashango, he vhavha vhe muambeli wa tshiofisi wa MEC vha tshifhinga itsho tshifhinga, munnaavhane Vho Collins Chabane, na muhasho. Zwa zwino, vhovha vha khou shuma na dzhendedzi ḽa vhuendela mashango ḽa Limpopo, he vhavha vhe na Vhuḓifhinduleli ha zwa thengiso nau kunga vhathu.

Malugana na u tholiwa ha vhulangi vhuswa ha RAL vhuswa, Vho Rachoene vho amba zwauri izwi zwi ḓo tendela vha bodo uri uri vha tshimbidze mushumo zwavhuḓi sa izwi vhathu vha Limpopo vha khou lavhelela nḓisedzo ya tshumelo ya khwine kha sia la themamveledziso dza bada. Vha vhulangi vhuswa vha ḓo sedzana na mushumo wa vha RAL musi vha muhasho vhe kati na mushumo wau khetha bodo ya vhalangi.

Date:29 August 2024

By: Andries van Zyl

Andries joined the Zoutpansberger and Limpopo Mirror in April 1993 as a darkroom assistant. Within a couple of months he moved over to the production side of the newspaper and eventually doubled as a reporter. In 1995 he left the newspaper group and travelled overseas for a couple of months. In 1996, Andries rejoined the Zoutpansberger as a reporter. In August 2002, he was appointed as News Editor of the Zoutpansberger, a position he holds until today.

Read: 108