Ṅwananyana wa minwaha ya 13 o thuluswa Ṱhohoyanḓou

Tshiṱori nga Maanda Bele. Ṱhalutshedzo nga Khathutshelo Raliphaswa.

Zwiito zwau thubiwa nau tambudziwa ha vhana zwi khou vhona zwi khou anda, izwo zwo vhonala musi hu tshi phuluswa ṅwananyana wa minwaha ya fumi-raru ane ovha a khou vhonala a khou lingedza u tshipikwa nga tshigwada tsha vhanna vhanzhi. Zwi dovha hafhu zwa vhonala e ṅwananyana uyo ovha a khou shuma zwau rengisa muvhili fhaḽa ḓoroboni ya Ṱhohoyanḓou uri a ḓi unḓe.

Ṅwananyana uyo ovha a tshi rengisa tsini na mavhengele tserekano a Game, hune ha ḓivhea zwihulu uri ndi hone tshivhilelani tshau rengisiwa mivhili. Tshiwo itsho tsho itea nga Lavhuṋa (15th) ḽa vhege yo fhiraho nga madekwana.

Mulindi wa tsireledzo we amu phulusa o ḓou isa ṅwananyana uyo amu isa tshiṱitshini tsha mapholisa tsha Ṱhohoyanḓou, fhedzi ahuna mulandu we wa vulwa. Ṅwananyana o amba zwauri vhanna avho vho mu ṱhasela vha inga ngau shushedza u mu vhulaha. Zwa zwino o iswa sentharani yau thusa vhapondiwa vhzo kwameaho muyani.

Vho Awelani Makongoza, vha gammba ya zwa u lulamisa ya Team Makongoza vho amba zwauri vho ḓelwa nga vha muṱa wa ṅwananyana uyo vha tshi humbela uri a waniwe. Musi a tshi pfa nga ha u ṱhaselwa, o ḓou ya Ṱhohoyanḓou u wana ṅwana uyo. O amba zwauri zwenezwo ṅwana uyo a tshi lungululwa sentharani, u ḓo dzhiiwa a iswa kha iṅwe senthara uri a wane thuso uya phanḓa.

“Tshiimo tsha ṅwana tshia khaula mbilu. U na vhaṱhannga vhavhili vhane a vha shumela, hone u badelwa R700 nga ṅwedzi vha dovha hafhu vha mu badelela vhudzulo fhaḽa Ṱhohoyanḓou hune vha swika vha ita zwavhudzekani nae,” a amba.

“Hezwi zwi tou sumbedza zwauri hu khou ṱoḓea thikhedzo nga tshihaḓu. Vhabebi vhane vha dzula na vhana vhane vha vha itela zwa dzi khakhathi vha fanela u humbela thuso kha vha ḓivhi nau thusa vhadzulapo uri vha vha thuse,”a engedza.

Makongoza o amba zwauri ṅwana uyo o mu ṱalutshedza nga ha zwe zwa itea khae vhusiku uho, o ḓelwa nga munna e aḓi ṱahisa sa murengi wa muvhili. Fhedzi vhori vha tshi swika huṅwe, vhanna vhavhili vho ḓou bvelela vha thoma u mu dzhia. O ḓou hwelela he a ḓou thusiwa nga mulindi wa tsireledzo. Musi mulindi uyo atshi swika afho he tshiwo tsha itea hone, vhanna avho vho ḓou shavha afho.

Makongoza o dovha hafhu a bvisela khagala nga ha zwe zwa kumedza ṅwana uyu kha zwau rengisa muvhili. Zwe zwa pfala hovha zwauri o thoma izwi zwau rengisa muvhili sa nḓila yau wana masheleni. O amba zwauri opfa nga ha nḓila dzau ita masheleni musi e moḓoroni mureili vha tshi vhudza muṅwe munaneli uri hu na masheleni kha sia ḽau rengisa muvhili ha vhafumakadzi.

Ḓuvha iḽo (15th) hu pfala zwauri ṅwana uyo ovha a khou lingedza u shavha hayani. O tswa masheleni hayani kha makhulu awe hone ovha a khou ofha uri vha ḓo mu rwa musi atshi vhuya hayani. Ṅwana uyo ovha ono lingedza u wana vhulalo vhuongeloni ha Tshilidzini, fhedzi muṱa wa hawe vho ḓou mu wana henefho, zworalo a ḓou ya vhuongeloni ha Vhufuli Donald Fraser. Ovha e nḓilani a tshi fhira nga Ṱhohoyanḓou he mureili amu sumbedza hune vharengisi vha mivhili vha shuma hone.

Ubva kha zwe ṅwana uyo a amba, o tsa Ṱhohoyanḓoua humbela ngeletshedzo kha vhafumakadzi afho. Afho ndi he vhafumakadzi avho vha mu eletshedza zwauri bvula vhurukhu vhulapfu a ambare zwithu zwipfufhi. Zwi tshi tevhela ngeletshedzo iyo ye a i wana, o dou vhuya o ambara zwithu zwi pfufhi a thoma u shuma zwau rengisa muvhili. O vhudza Makongoza zwauri ovha atshi badelwa masheleni a swikaho R300 nga ḓuvha nga khau rengisa muvhili.

Musi ṅwana uyo a tshi shuma zwau rengisa muvhili, u dzula na vhomakhulu awe vha vhaaluwa na mukomana a bvaho kha muvhundu wa tsini hanefho kha vhupo HA Ṱhohoyanḓou.

Uya nga zwidodombedzwa zwe zwa bveledzwa kha nyanḓadza mafhungo, ṅwana uyo o tshipikwa e na miṅwaha ya fumi-thihi.

Date:26 August 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology. He is passionate about current news and international affairs. He worked as part of the Zoutnet team as an intern in 2017. He is currently a freelance journalist specialising in news from the Vhembe district.

Read: 211