Vhadzulapo vha Niani vhari vho neta nga vhugevhenga

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Vhadzulapo vho sinyuwaho nau kwamea vha vhupo ha Niani nnḓa nyana ha Musina, vha khou shushedza uri vha ḓo vala tshumelo na bada dzoṱhe khulwane kha vhupo havho, izwi ndi ngauri vho netisa nga hone vhugevhenga vhuponi havho vhune ha khou anda hone vha muvhuso Wapo ndi vhane avha khou ita tshithu u tandulula thaidzo idzo.

Vhupo ha tsini ho novha tshivhilelani tsha u tswiwa ha mimoḓoro na zwifuwo, zwine zwa tswiwa zwa iswa kha mashango a tsini hune havha Zimbabwe na Mozambique. Vhadzulapo vhovha na muṱangano na MEC wa tsireledzo na vhulindi MEC Vho Violet Mathye, vhe vhavha fulufhedziswa uri vha ḓo tandulula khaedu iyi. Vhege yo fhiraho vho ṱangana na vha vhulangi ha vhupholisa ha Vhembe, he pfulufhedziso dza itwa hafhu malugana na vhugevhenga kha vhupo uho.

Mudzulatshidulo wa foramu ya mabindu ya u lwa na vhugevhenga Vho Philemon Munyai vho amba zwauri u tswiwa ha mimodoro, ine ya fhedza ya isiwa kha mashango a nnḓa a tsini, zwi khou vhilaedza sa izwi zwi khou anda. “Ro thoma u vhona dzi goloi khulwane i khou shumisa magondo ane hango ḓowelea masimuni

Vho Munyai vho ṱahisa zwauri naho ho itiwa iyo miṱangano na MEC na vhulangi ha vhupholisa fhano Vhembe, ahuna zwe zwa vhonala zwi tshi shanduka nga nnḓa ha pfulufhedziso. “Ri sala ri si tshena zwine ra nga ita sa muvhundu. Zwa zwino zwine ra ḓo ita ndi u gwalaba hune ra ḓo vala bada khulwane, ro katela na N1. Ri khou ṱoḓa uri muvhuso u thetshelese zwililo zwashu vha tandulule hei khaedu ine ra khou ṱangana nayo ya vhugevhenga. Mazhendedzi a mulayo o kundelwa uri thusa. Ri fhasi ha mutsiko hune ri pfa ri songo tsireledzea miḓini yashu sa izwi mavemu vha tshi tou ri dzhenela mahayani vha ri vhila thundu dzashu tshifhinga tshiṅwe na tshiṅwe, “ vha amba.

Tsheo yau vala bada ndi ine yo vhetshelwa ḓuvha ḽa furaru Ṱhangule. Vho Munyai vho amba zwauri tshumelo dzoṱhe dzi ḓo imiswa nga tshifhinga tsha mugwalabo wavho. “Arali ra sa neiwa zwine ra khou gwa zwone ri ḓo sala ri khou kombetshedzea u isa zwililo zwashu kha ofisi ya muphuresidennde wa shango Vhoramaphosa,” vha amba.

Date:23 August 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 141