Khaedu ya maḓi yo thithisa tshumelo dza vha Phelophepa Health Care Train

Tshiṱori nga : Thembi Siaga. Ṱhalutshedzo nga: Khathutshelo Raliphaswa.

Musi hu na ṱhoḓea ya zwa mutakalo ine vhathu vha fanela ui wana tshifhinga tshoṱhe, tshidimela tshatshumelo yamutakalo ya Phelophepa Health Care  vho swika tshiṱitshini tsha zwidimela u ḓisela vhathu tshumelo dza zwa mutakalo ubva nga Musumbuluwo wa ḽa raru Fulwi u swika nga Ḽavhuṱanu ḽa fumi-iṋa Fulwi. Naho zworalo, vho ḓou ṱangana na khaedu ya ṱhahelelo ya maḓi vhuponi ha Vhembe.

Vhunzhi ha vhadzulapo vha u mona na tshiṱiriki tsha Vhembe vho dalela tshidimela itsho, he vha wana tshumelo dza zwa mutakalo u fana na u ṱolwa maṱo, u ṱanzwa mano na dziṅwe tshumelo nga mitengo ya fhasisa, fhedzi dziṅwe hovha dza mahala. Tshidimela itsho tshovha na tshumelo dza muthihi nga muthihi, pfumbudzo dza zwa pfunzo – hune havha na nḓila mbili dzine vha shumisa u thusa vhaongiwa u wana thandululo kha khaedu dzavho dza zwa mutakalo.

Vho thuswa nga vha Transnet, vha tshidimela tsha Phelophepa Health Care vho vha vhe na tshipikwa tsha u khwinisa nḓila dzau wana tshumelo dza zwa mutakalo kha vhathu vhane vha dzula kha vhupo vhune havha na vhathu vhanzhi u mona na Afrika Tshipembe, zwihulu kha vhupo ha mahayani na vhupo vhune vhathu vha kundelwa u wana tshumelo ya zwa mutakalo na uvha na ṱhahelelo ya fhethu hune ha wanwa tshumelo idzo.

Nga tshifhinga tsha u dala havho ha zwino zwino, vhadzulapo vho lindela u swika ha tshidimela itsho vhe vhanzhi, vha tshi ṱoḓa u thusiwa nga zwa mutakalo na pfunzo ya zwa mutakalo. Vhaṅwe vho swika tshidimela itsho tshi sa athu u swika kana u vulwa, he vhaṅwe vhavho vhovha vho eḓela hanefho, vhe na fulufhelo ḽauri vha ḓovha vha u thoma u wana thuso ya khwine. Vho Nikiwe Majoko, vhe vha vha vha kho ṱoḓa thuso ya zwa maṱo, vho livhuwa zwihulu tshumelo ye vha i wana naho hovha na khaedu dza uvha na miduba milapfu.

“Ndo fushea nga tshumelo dzavho, fhedzi u wana thuso zwovha zwi songo leluwa sa izwi vhovha vha khou shuma nga tshivhalo tsha vhathu nga ḓuvha. Vhaṅwe vhashu vhe rovha ri khou bva kule ro tou kombetshedzea u eḓela kha zwidulo zwa afho tshiṱitshini tsha zwidimela, ri na fulufhelo ḽauri ri ḓovha vha u thoma u thusiwa. Vho ri fara zwavhuḓi, hone ri tama vha tshi dovha hafhu vha vhuya sa izwi vhunzhi hashu ri sa swikeleli u badela madokotela,” vha amba.

Mashudu mavhi, ṱhahelelo ya maḓi yovha khaedu. U wana maḓi o kunaho ndi zwa ndeme uri tshumelo idzo dzi kone u ya vhathuni. Vho Bheki Mdlula, vhone vhavha mulanga tshidimela, vho ṱahisa zwauri ṱhahelelo ya maḓi yo kwama tshumelo dza tshidimela nga nḓila isi yavhuḓi.

“Khaedu dze ra ṱangana nadzo dzo bva kha mufaramikovhe, masipala wa tshiṱiriki tsha Vhembe, vhe vha kundelwa u ri ṋea maḓi o linganaho. Ri fulufhela uri khaedu iyi i ḓo tandululwa ri sa athu u vhuya hafhu, sa izwi iyi i mbekanyamushumo ine ya ḓo dzula i hone. Ri ita khuwelelo kha vhafaramikove vhoṱhe uri vha shumisa e uri zwoṱhe zwi tshimbile zwavhuḓi,” Vho Mdlula vha amba.

Uya nga Vho Mdlula, vho fanela u badela mathannga a maḓi uri tshumelo dzi bvele phanḓa. “Naho rovha na dzi khaedu, zwoṱhe zwo tshimbila zwavhuḓi, “vha amba.

Muambeli wa masipala wa VDM, Vho Maṱodzi Ralushai, vho amba zwauri vhovha vha si na nḓivho nga ha ṱhahelelo ya maḓi tshiṱitshini tsha tshidimela. “Na rine a ringo wa khumbelo ya maḓi ubva kha vha Phelophepa Health Care Train uri ri vha ṋee maḓi nga mathannga, “ vha amba.

Date:03 July 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 35