ADVERTISEMENT:

 
 

Mutsila wa wau ola nga penisela Khodani Phuluwa a bvaho Gondeni ḽaha Mabilu o tswa mbilu dza vhanzhi nga vhutsila hawe.Tshifanyiso tsho bveledzwa.

Vhutsila ha Khodani ho tswa mbilu dza vhanzhi.

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Khodani Phuluwa wa bvaho Gondeni ḽaha Mabilu ndi mutsila a shumisaho penisela kha vhutsila hawe. Vhutsila hawe vhu takalelwa nga vhanzhi. Vhukoni ha Khodani, he ha takuwa atshe muṱuku, ndi vhune zwa zwino avhu shumisa u unḓa muṱa wa hawe, sa izwi a tshi rengisa zwifanyiso zwa vhutsila hawe.

Ngau shumisa penisela, Khodani u kona u bveledza zwifanyiso zwine zwavha zwi khou bva kha zwithu fhedzi uya kha zwithu zwa maimo a nṱha. U ola nga ha zwine zwa ṱangana nazwo ḓuvha ḽiṅwe na ḽiṅwe kha matshilo ashu.

Khodani, ane zwa zwino u na minwaha ya fumbili-na-thihi uri Lufuno lwawe kha vhutsila ho simuwa a tshe kha murole wau thoma kha tshikolo tsha fhasi tsha Mabilu. “Rovha ro vhudzwa uri ri ole zwifanyiso zwa miṱa yashu, nda ḓou ola muṱa wa hashu, tshifanyiso itsho tsho ḓou vhoniwa tshi tshone tsha khwine kha zwifanyiso zwoṱhe. U bva afho, ndo ḓou thoma u takalela vhutsila u swika na namusi. Ndovha ndi sa humbuli uri nga ḽiṅwe ḽa maḓuvha vhutsila hanga vhu ḓo ntshumela nda ḓi unḓa na vha muṱa wa hashu ngaho. Ndo no dzhenelela miṱaṱisano minzhi tshikoloni ya nga vhutsila, u fana na muṱaṱisano wa vhutsila hau vhoniwa nga ṅwaha wa gidimbili fumi-na-thihi, he nda kunda nga uvha kha vhuimo hau thoma. Ndi he nda thoma u dzhiela vhutsila hanga nṱha,” a amba.

Khodani ori u fhedza murole wa vhusumbe, a thoma u shuma na ṱhama dzawe kha zwa vhutsila, u fana na mutsila Vhangani Raliphaswa, ane a ḓivhea nga ḽa Rhalis Kwv Artist, e a mu thusa kha u ṱuṱula vhukoni hawe u vhuya u swika a tshi fhedza pfunzo dzawe dza fhasi kha tshikolo tsha nṱha tsha Frans Rasimphi. Zwa zwino Khodani u khou gudela zwa vhulangi ha mabindu kha gudedzi ḽa Thekwini City College.

“Nga dzone khaedu dza masheleni, ndo kundelwa u gudela zwa vhutsila, fhedzi ndi tshine na dzangalelo ḽau gudela zwine nda zwi funa zwine zwavha vhutsila. Ndi livhuwa na thikhedzo ine ya bva kha vharengi vhanga vhantikedza, naho vhaṅwe vhavho vha tshi kundelwa u badela tshumelo dzanga,” vha amba.

 

Date:02 April 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 163

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles