ADVERTISEMENT:

 
 

Tshigwada tsha Adziambei Band vha ḓo mbvumbvusa vhathu kha bepha ḽa Miengelani fhaḽa Hamakhuvha nga ḽa furaru Thafamuhwe. Tshifanyiso tsho bveledzwa.

Tshigwada tsha Adziambei Band vha khou rangaphanḓa vhoramuzika vha bepha ḽa Miengalani

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Vhadzulapo vha Vhembe, zwihulu vha vhupo ha Hamakhuvha nnḓa nyana ha Thohoyanḓou, vha ḓo mbvumbvuswa vhukuma kha mafhelo a vhege ya paseka. Izwi zwi tevhela u khwaṱhisedzwa nga tshigwada tsha Adziambei Band, vhane vhavha tshigwada tsha muzika wa Tshivenḓa vhe vha thoma u ḓivhelwa u mbvumbvusa havho nga ṅwaha wa gidimbili fumi-na-raru. Vha ḓovha vha khou mbvumbvusa vhathu kha bepha ḽa Miengelani, ḽine ḽa ḓo farelwa fhethu havhudimbvumbvusi ha David and Alice Fountain ngei Mudzwarani Hamakhuvha nga Lavhuṱanu ḽa fumbili-ṱahe Thafamuhwe.

Tshigwada itshi ndi vhone bennde ine ya khou rangaphanda kha bepha iḽi, ḽine ḽo itwa nga vhoramuzika vha bvaho kha tshaka dza mizika dzo fhambanaho. Vhaṅwe vha avho vhoramuzika hu katelwa madzina a ḓivheaho u fana na Alingo and the Babes, Asa Tee, T Man Gavini, Black Face DJ Taki Pantsula, Burning Fire, na vhaṅwe vhanzhi. Bepha iḽi ḽi ḓo rangelwa nga Pantsula Fun Walk ubva Ngwenani ya Mapholi uya fhethu hune ha ḓo farelwa bepha iḽo.

Vho Maitela Sirwali, mutumbuli wa tshigwada itsho, vhari vho ḓalelwa nga dakalo uvha vha khou rangaphanḓa mutevhe wa bepha iḽi ḽine ḽavha ḽa vhuṱhogwa . “Ndi zwavhuḓi u vhuya kha u mbvumbvusa vhathu nga u tamba kha fhethu havhudimbvumbvusi ha David and Alice Fountain. Tshifhinga tshe ra fhedzisela u mbvumbvusa vhathu vha tshigwada tshihulu ndi musi ri tshi mbvumbvusa vhathu kha bepha ḽa Phalaphala FM Royal Garden mahola(2023). Ri ḓo vha sumbedza vhukoni hashu ra vha mbvumbvusa nga nḓila yavhuḓi vhukuma. Vhanzhi vha ḓivha nga ha nyimbo dzashu fhedzi a vha athu u wana tshikhala tsha u ri vhona ri tshi vha mbvumbvusa vha tshi ri vhona. Itshi ndi tshikhala tshashu tshine ro ḓi imisela u tshi shumisa nga nḓila yavhuḓi,” vha amba.

Mudzudzanyi wa bepha iḽi Vho Benjamin Makungo vhari bepha iḽi ndi ḽine ḽa katela muṱa woṱhe. “Paseka ndi tshifhinga tsha muṱa hu ne miṱa ya ṱangana vha takala. Ro kuvhanganya vhoramuzika vha tshaka dza muzika dzo fhambanaho uri vhathu vhoṱhe vha kone u mbvumbvusea. Hu na Adziambei Band na zwiṅwe zwigwada kha vhoramuzika vhane vha ḓo mbvumbvusa vhathu, ri tenda uri bepha ḽashu ḽi ḓovha ḽavhuḓi vhukuma. Ro katela na vhana kha bepha iḽi,” vha amba.

 

Date:01 April 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 113

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles