ADVERTISEMENT:

 
 

Tshanḓa tsha mudzulatshidulo vha tshiimiswa tsha lushaka tsha vhathu vhane vhane vha tshila na vhulwadze ha lukanda ha Albinism, Vho Thomas Makhanthisa. Tshifanyiso: Victor Mukwevho.

Vhathu vha albinism vha khou wana mapfura avho a tsireledzo kha ḓuvha

 

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Tshanḓa tsha mudzulatshidulo vha tshiimiswa tsha lushaka tsha vhathu vhane vhane vha tshila na vhulwadze ha lukanda ha Albinism, Vho Thomas Makhanthisa, vho hanedza vhaambiwa auri vhana avho vhane vha tshila na vhilwadze uho avha khou wana mapfura auvha tsireledza kha ḓuvha nga zwone zwiito zwa tshanḓa nguvhoni zwine zwa itea kha maiimo a nṱha kha zwiimiswa.

Vho Makhanthisa, vhane vha dovha vha vha mudzulatshidulo vha foramu ya vhaholefhali vha tshiṱiriki tsha Vhembe, vhari vhathu vhoṱhe vhe vha ṅwalisa u wana mapfura ayo vha a wana ṅwedzi na ṅwedzi. Vhari madzangano a vhathu vhane vha tshila na vhulwadze uho vha khou shuma vho ḓi imisela u vhona uri vhoṱhe vhe vha ṅwaliswa vha khou wana mapfura.

“Zwe ra wana ndiuri vha tshumelo dza zwa mutakalo kha dzi kiḽiniki dza vhupo ha mahayani vha dzhia mapfura ayo zwi songo tea vha a shumisa vhone vhane udi tsireledza kha ḓuvha,” vha amba. Vho engedza ḽauri vha muhasho wa mutakalo vho shandula nḓila yau netshedza vhathu mapfura. “Zwa zwino vhaa netshedza nga mabogisi maṱuku, vha ṅwala madzina a vhane vhao vha sa athu ua rumela kha dzi kiḽiniki dza mahayani huu thivhela vhuaḓa vhune ha itwa nga vha tshumelo ya zwa mutakalo,” vha amba.

Vha tshi vhudzisiwa uri ndi ngani vhathu vha tshi nesthedzwa mapfura ubva kha muvhuso ngauri vha khou wana magavhelo avho, vho ṱalutshedza uri mapfura ayo aya ḓura vhukuma, hone vha balelwa ua swikelela. “Mitengo ya mapfura aya i thoma kha masheleni a maḓana mavhili na fuṱhanu wa dzi rannda kha boḓelo liṱuku. A shumiswa khofheni na kha milenzhe, fhedzi naho zworalo avha e maṱuku lune ha fhedzi ṅwedzi,” vha amba.

Nga ha u wana magavhelo ha vhathu vhane vha tshila na vhulwadze ha (lukanda)albinism kha shango ḽashu, vho ṱalutshedza uri vho thoma u lwela pfanelo dzau wana magavhelo nga ṅwaha wa gidiḓaṱahe fumalo-sumbe, fhedzi vha thoma u wana magavhelo avho nga ṅwaha wa gidiḓaṱahe fuṱahe-iṋa.

“Vhadzulapo vha vunḓu ḽa Limpopo vhovha vhone vha u thoma u wana magavhelo ayo, hu sa athu u avhelwa vhadzulapo vha maṅwe mavunḓu. Vunḓu ḽa Limpopo ḽi fhisa u fhira maṅwe mavunḓu kha shango ḽashu, hone rovha ri na khaedu dza u swa. Ro tea u humbela vha muvhuso uri vha ri thuse, hone vha kona,” vha amba.

 

Date:26 March 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 138

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles