ADVERTISEMENT:

 
 

.

Munna o farwa nga murahu hau isa mupondiwa wawe vhuongeloni.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Munna we avha a khou sumbedza u pfela vhuṱungu mupondiwa wea muponda o farwa nga murahu hau isa mupondiwa uyo vhuongeloni u lafhiwa mafuvhalo e a a wana kha tswiwo tsha u tshipiwa nga munna uyo.

Tshiwo itshi tshe tsha bvelela nga Lavhuṱanu ḽa vhege yo fhiraho tshi tshe milomoni ya vhanzhi. Zwo thoma musi muhumbulelwa a khou ḓi mbvumbvusa na vhaṅwe vhanna sosani ngei Tshakhuma nga matsheloni. Ndi he a ṱangana na vhasidzanyana vhaṋa nḓilani, vhuvhuli havho vhovha vhe fhasi ha minwaha ya 18.

Uya nga muambeli wa mapholisa vunḓuni ḽa Limpopo Col Malesela Ledwaba vhari, vhuṱanzi he vha ṋeiwa hone vhu sumbedza uri vhasidzanyana avho vho humbela tshinamelo kha munna uyu uri vhaye sosani ḽire kha kusi kwa Luvhone. Muhumbulelwa o ḓou ṱuwa navho sa izwi ovha a khouya fhethu hune vha khou ṱoḓa u iswa hone, a inga nga uvha fulufhedzisa uri u ḓo vhuya navho murahu.

Uya nga Vho Ledwaba, vhasidzanyana avho vho ḓi mbvumbvusa na muhumbulelwa, vha fhedza ngau ṱuwa nae sa zwe vhavha vho tendelana zwone. Vhori vhe nḓilani, a ima a thoma uvha vhila masheleni. Vho ḓou mu ṋea masheleni oṱhe e vhavha vhe nao fhedzi avha vhila maṅwe hafhu.

Uya nga Vho Ledwaba, muhumbulelwa o ḓou thoma u halifha a vha shushedza uri u ḓo vha thunthsa arali vha balelwa umu nea masheleni ane a khou a ṱoḓa. Ndi he muṅwe wa vhapondiwa a thoma u lwedzana nae, a mbo murwa nga boḓelo a dzidzivhala. Nga tshifhinga itsho, muhumbulelwa o ḓou thoma u tshipa vhaṅwe vhararu vha minwaha ya fumi-rathi, fumi-sumbe na fumi-ṱahe. “Vhapondiwa vho ḓou humbela muhumbulelwa uri a mu ise vhuongeloni u lafhiwa sa izwi atshe o dzidzivhala, ndi he a tenda umu isa vhuongeloni. Vhori u swika afho vhuongeloni, vhapondiwa vha ṱalutshedza vhaongi zwe zwa bvelela ha vhidziwa mapholisa na zwenezwo, vhe vha swika vha fara muhumbulelwa,” vha amba.

Mupondiwa we a ṱhaselwa u khou lafhiwa vhuongeloni. Mulandu wa u tshipwa wo iswa kha mapholisa a Thohoyanḓou vhane vha sedzana na thaidzo dza miṱani, vha tsireledzo ya vhana, na yunithi ya vhapondiwa vha u tshipiwa uri tsedzuluso dzi bvele phanḓa. Muhumbulelwa o valelwa hone o lindela u senga khothe ya madzhisiṱiraṱa wa Vuwani.

Mudzulatshidulo vha foramu ya Munna Ndi Nnyi Vho Bardwell Mufunwaini vho ṱahisa vhupfiwa havho nga ha tshiwo itshi he vhari vho shushea vhukuma nga zwe zwa bvelela. “Ro tingiwa nga gole ḽitswu hune vhugevhenga ha itwa vhathu vho vhofholowa, vhasina nyofho na ṱhoni. Munna u tshipa hani vhasidzanyana vhararu nga khathihi asina nyofho?. Asi zwine ra lavhelela vha vhanna vhukuma, ri fanela uvha vhatsireledzi vha vhafumakadzi kha zwoṱhe,” vha amba.

Vho engedza ḽauri vhane vha fanela u vhoniwa mulandu ndi vhabebi vhane vha kundelwa u ṱhogomela vhana vhavho. “Nga vha sedze minwaha yavho havha vhapondiwa, ndi vhana vhane vha fanela uvha vhe hayani havho nga tshifhinga tshe tshiwo tsha bvelela ngatsho. Vhabebi vha fanela u ṱhogomela vhana vhavho uri vha vhulunge vhumatshelo ha vhana avha na murafho uḓaho,” vha engedza. 

 

 

Date:22 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 233

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles