ADVERTISEMENT:

 
 

Vhafunzi Vho Godfrey Ndou vha tshi rabelela vhathu kha tshumelo yavho pfufhi ye vha i fara muvhunduni wavho. Tshifanyiso tsho bveledzwa.

Vhafunzi vho isa tshumelo yavho sosani ḽa vhupo ha havho.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Lwa minwaha minzhi, Vhafunzi Vho Godfrey Ndou vhovha vha tshi dzulela u lavhelesa kutshilele kwa vhathu vhane vha ḓi mbvumbvusa nga u ṅwa halwa sosani ḽa vhupo ha Shayandima. Vhovha vha tshiri u fhira nga afho vha vha lumelisa vha vha ramba uḓa kerekeni, fhedzi Sondaha itshi swika, ha ḓa vhavhili kana vhararu fhedzi. Nga murahu ha uvha na nyambedzano na vhaṅwe vhavho, vho ḓou limuwa uri vhunzhi havho vhaa ṱoḓa u ḓa kerekeni fhedzi vha na nyofho yauri vha ḓo thudzelwa kule kana u kolelwa nga hone u ambara na nḓila ine vha tshila ngayo.

Nga Sondaha ya ḽa fumi Ṱhafamuhwe, Vho Ndou vho ḓou dzhia tsheo ya uya sosani u isela vhathu avho kereke u fhira u vha lindela vha tshi ḓa tshivhidzoni tshavho. Ndi hone he ha bebwa Shayandima Mobile Church Outreach. “Ndi tshiya khavho ndovha ndi na muhumbulo wauri vha nga khaḓi nanga usa thetshelesa mulaedza wanga, fhedzi ndo ḓou ṱanganaedzwa zwavhuḓi. Vhovha vho dzudzanyea, hone vha nthetshelesa nga vhuronwane. Ndo vha ṋea tshumelo pfufhi, nda dovha hafhu nda vha ṋea tshikhala tsha u ṱahisa vhupfiwa havho na uvha vhea zwanḓa,” vha amba.

Vho Ndou vho engedza uri nga Sondaha, ya ḽa fumi-na-sumbe Ṱhafamuhwe, hovha hu tshi touvha ḓembe khavho. “Rovha ro mangadzwa nga nḓila ye vhathu vha dalela ngayo tshivhidzwo, he havha na vhathu vha paḓaho vha fuṱhanu vhavhaeni vhaswa nga tshivhidzwo. Zwovha zwi khagala uri ndi vhathu vhane vha funa mudzimu fhedzi vhovha vhe si na nungo dza uya kerekeni. Izwi ndi ngauri vha a kolelwa hone vhaṅwe vhavho vho lambiwa nga mashaka avho, fhedzi mudzimu vha khou vha ṱoḓa murahu. Ro dovha ra limuwa uri vhunzhi havha vha bva mahayani avho vha songo ḽa, ngazwo ro vhona zwi khwine uri ri vha rengele zwiliwa kha vhengele ḽa zwiḽiwa la tsini, he na rine ra ḽa navho,” vha engedza..

Mudzulapo wa Shayandima Vho Mashudu Mudau vho fhululedza nau khoḓa mushumo we Vho Ndou vha u thoma. “Ndi nnyi we avha a tshi humbula nga ha u rera kha vhathu vho kambiwaho nga zwiṅwiwa, zwihulu vho tou vha tevhela sosani? Ndi tenda uri zwe vha thoma ndi nḓila ine vhafunzi vhanzhi vha ḓo i tevhedza hu nḓila yau ḓisa vhathu kha mudzimu,” vha amba vho ḓala dakalo.

 

Date:22 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 214

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles