ADVERTISEMENT:

 
 

Vho MEC vah CoGHSTA , Basikopo Makamu (vha vhuraru u bva kha monde), nga murahu ha u sedzulusa tshumelo mugodini wa De Beers nga Ḽavhuṱanu, ḽa mbili Luhuhi. Tshifanyiso: Bernard Chiguvare.

Venetia Mine vho farana zwanḓa na vha masipala wa Musina kha tshumelo dza u fhaṱa dzi nnḓu.

 

Tshiṱori nga: Bernard Chiguvare. Ṱhalutshedzo nga: Khathutshelo Raliphaswa.

MEC vha zwa mavhusele, nzulelo dza vhathu, na zwa sialala (CoGHSTA), Vho Basikopo Makamu, vho ṱahisa u fushea havho nga ha tshumisano vhukati ha vha mugodi wa Venetia na masipala wa Musina.

Vho Makamu vho dalela Musina nga Ḽavhuṱanu, ḽa mbili Luhuhi, vha tshi sedzulusa nga ha mushumo wa zwaufhata dzi nnḓu ngavha mugodi wa De Beers BMH na vha Rhino Ridge ngei Musina. Vhe vhavha vha khou tshimbila na vho MEC hovha, neḓorobo wa Musina Vho Nkhanedzeni Godfrey Mawela, mulangi muhulwane wa mugodi wa Venetia, Vho Ntokozo Ngema. Miraḓo ya vhulangi vha polotiki kha masipala wa Musina, na vhanwe vhaofisiri vha mugodi wa Venetia, masipala wa Musina na vha CoGHSTA.

“U ḓi nekedzela ha vha mugodi wa Venetia zwi sumbedza uvha na ndavha na vhashumi ndi tsumbo ya uvha na ndavha na vhudzulapo ha vhashumi vhavho. Zwi dovha hafhu zwa sumbedza uri u farana ha mabindu a muvhuso na a phuraivethe zwi thusa u bveledzisa vhupo hune vhathu vha dzula hone. Thanganyelano ya sekhithara dza phuraivethe na dza muvhuso zwi vhea mutheo yo khwaṱhaho kha u alusa ikonomi,” Vho Makamu vha amba.

Vha Rhino Ridge ndi vhanwe vha mishumo ya masipala wa Musina vha mishumo ya zwa dzi nnḓu, hone zwa zwino vha khou shuma mishumo yavho.

Mugodi wo fhaṱa nnḓu dza malo dza nṱha na fhasi, na nndu dza fumi-na-ṱhanu dzine dza dzula vhashumi vhavho. Ndi nndu dzine dzavha na phera tharu na garatshi. Uya nga Vho Lesedi Ntuli, mulangi wa vhudavhidzani ha mugodi wa Venetia, vhari vhashumi vho no thoma u dzula kha nnḓu idzo.

Vha mugodi wa Venetia vha langa vhulangi ha vhune ha dzi nnḓu na dzinwe tshumelo dzine dza tendela vhashumi uri vha renge nnḓu dzavho. “Nga kha mbekanyamushumo ya u langa vhune ha dzi nnḓu (FHOP), mugodi uyo u tendela vhashumi vho teaho uri vha renge, vha fhaṱe na u vusuludza nnḓu dzavho. Sa bindu, ro limuwa uri vhashumi vhashu vha na zwine vha takalela zwone,” vha amba.

Vho MEC vho khaṱhisedza thikhedzo yavho na uḓi lugisela ha vha CoGHSTA kha u thusa nga tshumelo idzi.

 

Date:12 February 2024

By: Bernard Chiguvare

Bernard Chiguvare is a Zimbabwean-born journalist. He writes mainly for the online publication, Groundup.

Read: 212

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT