ADVERTISEMENT:

 
 

Vha khamphani ya zwiendedzi vha Do Light vho netshedza zwiambaro na zwienda kha vhagudiswa vhane vha bva miṱani ya vhushai. Kha atshifanyiso (phanda) vhabebi vha vhagudiswa vhararu vha tshikolo tsha fhasi tsha Masindi, vhe vha ṱanganedza dzi mpho vho imela tshikolo tshavho. Vhare nga murahu havho ndi Vho Lydia Nthulane, Ms Alie Museisi, Vho Olivia Masimbane, na Vho Basani Manganyi vha Do Light na Vho Witness Baloyi (mulangi wa Do Light). Tshifanyiso nga: Thembi Siaga.

Vha Do Light vha ḓisa tshanduko kha matshilo a vhagudiswa vhashayaho

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Nga Musumbuluwo wa ḽa fumbili-ṱahe Phando, vha khamphani ya zwiendedzi vha Do Light vho bva fulo ḽa u netshedza vhagudiswa vha zwikolo zwa tshiiṱiriki tsha Vhembe na vhagidiswa habvaho vhuponi vhuwelaho kha Masipala wa Collins Chabane zwiambaro na zwienda zwa tshikolo. Vhunzhi ha vhagudiswa avho vhe vha ṋetshedzwa zwiambaro na zwienda ndi vha vhupo ha Hanthabalala.

U bva tshe zwikolo zwa vula zwa ṅwaha uno, vha Do Light vho netshedza zwiambaro na zwienda zwa tshikolo kha vhagudiswa vha fuṱhanu vhane vha bva miṱani i shayaho. Ndeme ya zwiambaro na zwienda izwi i anganyelwa u swika zwigidi zwa fusumbe wa dzi rannda. Mugudiswa muṅwe na muṅwe o ṱuwa na phere mbili dza marukhu, phere mbili dza dzi hemmbe, dzhesi na zwienda.

Vho Ndiene Sedibeng, muimeleli wa khorombusi ya tshiṅwe tsha zwikolo zwe zwa netshedzwa, vho ṱahisa dakalo na ndivhuwo kha vha Do Light ngau vhona vho ḓisa tshanduko kha matshilo a vhagudiswa. “Vhaṅwe vha vhagudiswa vhovha vha tshi dzulela u ḓa tshikoloni vha songo ambara zwienda, hone nga khalaṅwaha ya vhuria vhunzhi ha vhagudiswa vhovha vha saḓi zwikoloni. Sa miraḓo ya khorombusi na vhabebi vha vhagudiswa avha ripfa ro fhaṱutshedzwa zwihulu na u livhuwa vha Do Light nga zwe vha itela vhana vhashu,” ha amba.

Hosi John Makamu vhari vhovha vho takala vhukuma musi muṅwe wa vhaimeleli vha Do Light vha tshi vha humbela u topola zwikolo zwire na vhagudiswa vha bvaho miḓini ya zwishai. Vhari masheleni e a ṋeiwa aḓo khwinifhadza matshilo a vhagudiswa na u vha gudisa nga ha vhundeme ha u ṋea murahu kha shitshavha.

Vho Witness Baloyi, mulangi wa Do Light, vho amba zwauri ndivho yavho ndi u ṋea murahu kha tshitshavha nga vhuḓalo. “Ro amba na vharangaphanḓa uri vha sedzuluse vhupo havho uri vha wane vhagudiswa vhane vhavha na dzi khaedu zwi tshi itiwa nga hune vha bva hone. Ri ṱoḓa uri vhagudiswa vha pfe vha vha ndeme zwikoloni hone vha si humbulese nga ha nyimele dzavho,” vha amba.

 

Date:06 February 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 153

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles