ADVERTISEMENT:

 
 

Vho Musie Vhutambo, muṋe wa vhengele ḽa dzithoyi Thohoyandou, ḽine ḽa vhidzwa Mbudzeni, vhovha munwe wa vhathu vha fumbili vhe vha wina kha mukovhe wa masheleni a swikaho maḓana a sumbe na fuṱhanu wa dzi rannda kha u lambedzwa. Tshifanyiso tsho bveledzwa.

Vho Vhutambo vho wina kha pfufho dza Bambelela Business.

 

Tshiṱori nga: Bernard Chiguvare. halutshedzo nga: Khathutshelo Raliphaswa.

Vho Musie Vhutambo, muṋe wa vhengele ḽa Mbudzeni, ḽine ḽa wanala Thohoyandou, ḽine ḽa rengisa dzi zwitambiswa zwa pfunzo, vhovha vhe muṅwe wa vhathu vha fumbili vhe vha nangwa u wana mukovhe wa masheleni a swikaho maḓana a sumbe na fuṱhanu wa dzi rannda a u lambedzwa ubva kha tshiimiswa tsha mutwmbo wa u betsha. Izwo zwo anḓadzwa kha vhuṱambo ha vhuraru ha pfufho dza Bambelele Business Awards, he ha farelwa hodelani ya Fusion Botique ire Bulugwane nga Lavhuna ḽa fumbuli-malo Phando.

Vhuṱambo uho hovha hu hau limuwa na u pembela u bvelela ha vhathu vhane vha ḓisa tshanduko yavhuḓi kha mivhundu ya Limpopo. Vhaṅwe vha vhaeni kha vhuṱambo uho hovha MEC vha zwa ikonomi, mveledziso, vhupo na vhuendi, Vho Rodgers Monama, miraḓo ya zwa mabindu, vhaimeleli vha bvaho kha bodo ya u betsha ya Limpopo, na vhaṅwe vhafaramikovhe.

Vho Vhutambo (46) vha bvaho Thohyandou, vhari lufuno lwavho kha zwitambiswa zwo ṱangana na u aluwa havho fhethu hune havha na ṱhahelelo ya dzithoyi, zwo vha swikisa kha u thoma bindu ḽavho. “Zwezwi ndi khou aluwa, hovha husina zwitambiswa izwi hayani vhovha vha sa swikeleli. Muvhunduni washu, vhathu vhovha vha tshi vhona zwitambiswa hu zwithu zwa u tambisa fhedzi, zwi sina pfunzo khazwo,” vha amba.

Bindu ḽavho, ḽe ḽa thoma nga ṅwaha wa gidimbili fumi-na-mbili kha zwifhaṱo zwa tshivhindi tsha vhubindudzi kha ḓorobo ya Thohoyandou, ḽi rengisa dzothoyi dza zwa pfunzo hone vho thola vhathu vha rathi. Zwa zwino vha shuma na dzithoyi dza u vhaḓiwa.

Naho hovha hu lwau thoma vha tshi dzhenelela muṱaṱisano uyu, vho dzula vhe na fulufhelo. “Ndovha ndi na fulufhelo hone ndo ḓi lugisela uri ndi ḓo shuma ndo ḓi funga,” vha amba.

Musi vha tshi vhudziswa uri vha vhona hu zwifhio zwe zwavha swikisa kha u kunda, Vho Vhutambo vhari, “Ndi kholwa uri ndi ngauri bindu ḽanga ḽi na nḓila dza u ṱuṱuwedza vhagudi vha zwikoloni. Vhutsila hau tamba nga dzithoyi vhu dovha hafhu ha thusa kha u guda, hone ndi tenda uri hezwi zwo shela mulenzhe kha u nswikisa kha u nangiwa na vhaṅwe vhe vha wina.”

Naho vho maliwa vhe na vhana vhaṱanu, Vho Vhutambo vha kona u langula zwavhuḓi bindu ḽavho. “Ri fanela u shuma nga maanḓa nau tikedzana, uri ri kone u wedza ndoro dzashu,” vha amba.

 

Date:29 January 2024

By: Bernard Chiguvare

Bernard Chiguvare is a Zimbabwean-born journalist. He writes mainly for the online publication, Groundup.

Read: 162

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles