Vhadzulapo vho Tshikunda vho sinyutshela vhamusanda

Tshiṱori nga: Elmon Tshikhudo. Ṱhalutshedzo nga; Khathutshelo Raliphaswa.

Vhadzulapo vha Tshikunda Hasengani nnḓa nyana ha Thohoyandou vho sinyutshela vhamusanda vha kusi kwavho. Vhadzulapo avha vhari vho neta nau sinyuwa nga Vhamusanda Vho Phophi Magoda Sengani. Vhadzulapo vhari vha khou kombetshedzwa u badela masheleni a mavu e vha renga kha vhamusanda vha kale, vhari vha fanela u badela masheleni hafhu.

Munwe wa vhadzulapo vho sinyuwaho, Vho Thendo Netshifhefhe vhari vho renga mavu nga masheleni a swikaho zwigidi zwiṱanu nga ṅwaha wa gidimbili fumbili kha Vhamusanda Vho Nndwambi Sengani, vhe vhavha vhe murangaphanḓa wa muvhundu uyo nga itsho tshifhinga. “Zwoṱhe zwo tshimbila zwavhuḓi, ro fhaṱa na kha mavu aneo e ra renga hone ra pfulutshela. Khaedu dzo thoma musi ri tshi ṱoḓa uvha miraḓo ya sosaithi ya mbulungano ya muvhundu nau wana dzinwe tshumelo. Ro ḓou vhudzwa uri ri fanela u lindela mativha a tshi ḓadzwa. Hori mativha a tshi ḓadzwa, ra humela udi ṅwalisa, ndi he zwithu zwa shanduka. Ro ḓou vhudziwa uri ari miraḓo ya muvhundu uyo, sa izwi ro renga mavu kha muthu asa ḓivhei. Ndi he Vhamusanda vha ri vhudza uri ri fanela u ulifha the masheleni a swikaho zwigidi zwa fumi-na-thihi na rannda dza fumbili uri rivhe miraḓo ya muvhundu uyo,” vha amba.

Vho Netshifhefhe vhari vho kundelwa u badela masheni au renga mavu luvhili. “Ro lingedza u ambedzana na Vhamusanda, fhedzi ra kundelwa u swika kha thendelano. Ndi he ra dzhia tsheo yau zwi swikisa Luaname. Mashudu mavhi naho ro zwi swikisa afho, ho no fhela nwaha ri sa athu u thusalea. Izwi zwoṱhe zwi khou ri thivhela u wana nḓisedo ya tshumelo u fana na maḓi na muḓagasi miḓini yashu. Zwi khouri konḓisela matshilo ashu. Ri tou ofha uri ri o tendelwa u vhulunga mashaka ashu kha muvhundu uyu naa arali vha fhira fhano shangoni,” vha amba.

Vhamusanda Nesengani vha tshi fhindula nga ha izwi, vho thoma ngauri vhone avha ḓivhi tshithu nga ha izwi zwoṱhe, fhedzi vha swika kha u amba uri vhathu vha khou fhurwa nga vharangaphanḓa vha mazwifhi hone zwino vha ṱoḓa tshumelo khavho. “Ndi ḓivha vhalanda vhanga, hone na muvhuso vha khou mbadela gavhelo uri ndi vha ṱhogomele. Athi ḓivhi nga ha masheleni ane vha khou amba ngao. Vhalanda vhane vha ṱoḓa uvha miraḓo ya muvhundu wanga vha fanela u tevhela ṱhoḓea dzo teaho. Nne ndiri kha vhadzulapo, vha fanela u ṱhogomela vharangaphanḓa vhasi vha vhukuma uri vha saḓo badela masheleni ane ha ngaḓo vha shumela sa vhadzulapo,” vha amba.

Date:22 January 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 293