ADVERTISEMENT:

 
 

Vha yunithi ya pathology ya vhashumela tshitshavha vha SAPS vha he ha bvelela tshiwo damuni ḽa Lemana. Tshifanyiso tsho bveledzwa.

Ho wanala tshitumbu tsha lushie damuni ḽa Lemana.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Vhadzulapo vha Magangeni nnḓa ha Tshitandani vha tshe vho akhamaszwa nga tshiwo tshe tsha bvelela nga matsheloni a Lavhuna ḽa fumbili-raru kusini uko, hu tshi wanala lushie tsini na damu ḽa Lemana. Mudzulapo wa afho Magangeni vhari vhovha vha khou tshimbila musi vha tshi ṱangana na mmbwa i tshi khou kukuna rambo ḽa zwine zwa vhonala hu nama, nga u sendela tsini vha tshi ṱoḓa u vhona uri ndi namaḓe, vha tou akhamadzwa lwe vha ṱoḓa u khauwa mbilu nga u vhona uri ndi lushie.

Muambeli wa mapholisa Vhembe W/O Vho Vuledzani Dathi vho khwaṱhisedza tshiwo. “Ro wana muvhigo nga tshiwo itsho, ra mbo ya he tshiwo tsha bvelela hone he ra wana tshitumbu tsha lushie. Ovha ono bviswa milenzhe na tshanḓa tsha monde. Hu vhonala o thoma a hungiwa mukuloni nga mulenze sa izwi wovha utshe kha mukulo. Lushie ulo hovha hu ṅwana wa mutukana. Vha u sedzulusa vhafu vho ḓou fhirisela tshitumbu mutsharani wa muvhuso kha vhuongelo ha Elim. Zwa zwino ari athu u ḓivha mme a ṅwana, hone tsedzuluso dza mapholisa dzi khou bvela phanḓa,” vha amba.

Mudzulapo, vhe vha hana u bulwa dzina, vhari vho ṱanganedza ṱhingo nga matsheloni vha tshi vhigelwa nga tshiwo itsho. “Ndo ḓou gidima ndi tshi ya damuni uḓi vhonela nga anga maṱo sa izwi hu zwithu zwine zwa akhamadza. Ndori u swika ndi si kholwe zwine nda khou vhona. Ri humbulela uri mme a ṅwana vha ngavha vho mu beba vhe hayani vha ḓa u mu laṱa damuni, zworalo ri fulufhela uri vha ḓo farwa vha livhana na tshanḓa tsha mulayo,” vha amba.

Vho Joshua Kwapa, muambeli wa muhasho wa mveledziso ya tshitshavha, vho ita khuwelelo kha vho mme vhoṱhe uri vha wane thuso nga kha dzi khaedu dzine vha ṱangana nadzo kha vhathu vho teaho u fana na vhashumela tshitshavha vhane vha ḓovha thusa nga nḓila dzo fanelaho.

Vhane vha ngavha na zwidodombedzwa zwine zwa nga thusa kha mulandu uyu vha nga isa muvhigo kha tshiṱitshi tsha mapholisa tsha tsini navho kana vha founela muofisiri wa tsedzuluso Detective W/O Vho Mmberegeni Jonathan Muthavhini kha 082 319 9629.

 

Date:04 December 2023

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 274

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles