Makhulu Vho Rebecca vha pembela minwaha ya 104

Tshiṱori nga Silas Nduvheni. Ṱhalutshedzo nga Khathutshelo Raliphaswa.

Hovha ho ḓala dakalo muvhunduni wa Thengwe nga Mugivhela wa ḽa rathi Fulwana, musi vhana na vhaḓuhulu vha makhulu Vho Rebecca Nditsheni Tshisudzungwane vha tshi pembelela minwaha ya  vhatshikhoutshila nga kha bembela ḽa maimo.

Makhulu Vho Rebecca vho bebwa vha aluwa kusini kwa Tshitanzhe tsini na Musunda nga ṅwaha 1920 hone vhe ṅwana wau thoma wa musidzana wa murangaphanḓa vha lushaka lwa Tshisudzungwane. Khotsi avho ndi munnaavhane Vho Jim Tshisudzungwane, hone mme avho ndi Vho Nyamudzhedzi. Vhovhavhe na vharathu na khaladzi vhaṋa: Vho Nyamukamadi Nduvheni, Vho Betty Mulaudzi, Vhamusanda Vho Nyilenyile Tshisudzungwane na Vho Nyawasedza Tshisudzungwane. Kha avho vhaathu na khaladzi ane a khaḓi tshila ndi khaladzi Vho Nyawasedza.

Vho Rebecca vhovha vha tshi ḓivhelwa u alusa vhana vhavho na vhane vha ḓiselwa vhone uri vhavha ṱhogomele. Nga murahu hau wana gavhelo ḽavho ḽa vhaaluwa, mundende, vho ḓou ṋea vhana vha hayani masheleni hu nḓila ya u vha ṱuṱuwedza uri vha dzhiele pfunzo nzhele misi yoṱhe.

Vhana vhavho vhavhili, Tshinetise na Ṱuṱulani, vho aluswa hu na thuso ya malume, Vhamusanda vho no dzamaho Vho Jim Tshisudzungwane nga murahu hau lovha ha mufarisis wavho. Zwa zwino Vho Rebecca vha na vhaḓuhulu vha 16 na vhaḓuluḓulu vha 24.

Naho vhe na minwaha ya 104, Vho Rebecca vha tshe na nungo dza u shuma. Zwa zwino vho no pfuluwa Thengwe, he vha fhedza vhunzhi ha tshifhinga tshavho vhatshi lima mavhele tsimuni ya tsini na muḓi wavho. Zwibveledzwa zwine vha lima vha ṋea vhana na vhaḓuhulu vhavho. “Ndi dzulela u ṱuṱuwedza vhana uri vha dzhiele pfunzo nṱha sa izwi i yone ine vha nga i shumisa u lwa na vhushai na ṱhahelelo ya mishumo,” vha amba.

Uri vha dzulele uvha na mutakalo wavhuḓi vha dzulela u ita dzi nḓowenḓowe na uḽa zwiḽiwa zwa sialala u fana na mashonzha, mukusule, vhuswa vhutete na nama ya mbudzi.

Muṅwe wa vhana vhavho, Vho Tshinetise Tshisudzungwane, vhane zwa zwino ndi mualuwa nga murahu ha u notha  mushumo ngei masipala wapo wa Mutale sa mureili, vho fhululedza mudzimu khau phulusa mme avho na u vha tendela u tshila tshifhinga tshilapfu ngaurali. Vho amba zwauri vho aluswa zwavhuḓi ngavho vhe musanda wa Tshisudzungwane.

Date:16 July 2024

By: Silas Nduvheni

Read: 159