Ramuzika uri hango fushea nga nḓila ye a farwa ngayo kerekeni

Tshiṱori nga Elmon Tshikhudo. Ṱhalutshedzo nga Khathutshelo Raliphaswa.

Ramuzika a ḓivheaho wa muzika wa gospel wa fhano Vhembe u tenda zwauri hangovha na tshenzhemo yavhuḓi, ya lufuno lwa agape musi a tshi dalela guvhangano ḽa vhaswa kerekeni ya United African Apostolic Church (UAAC) nga Sondaha ya ḽa furaru Fulwi. O amba zwauri o pandelwa afho kerekeni kha zwine anga ṱahisa sauri hovha hu vivho ḽa vhurereli ubva kha Archbishop David Mureri.

Ramuzika Zamani Tshikalanga o vhudza vha Limpopo Mirror zwauri ovha e na mihumbulo yavhuḓi fhedzi musi a tshi ya Masisi u dzhenelela guvhangano ḽa vhaswa. Zamani oḓi sikela dzina sa ramuzika wa muzika wa gospel nga ṅwaha 2005 musi a tshi anḓadza aḽibamu yawe yau thoma ya “Murena Ndi Ndo Humbela Uvhona.”

Zworalo Zamani ua ḓivha nga ha khuḓano dzire hone UAAC, kereke ye yavha i na vhatevheli vha paḓaho miḽiyoni kha luvhanḓe luthihi. Khuḓano kana u fhandekana ho ḓou nana u vhonala musi hu tshi lovha Bishop Vho Elias Miriri, he nga ṅwaha wa gidimbili fumi-ṱahe kereke iyo ya bva zwipiḓa zwivhili. Nndwa vhukati ha zwigwada zwivhili luvhanḓeni yo ḓouvha isi yavhuḓi naluthihi he ya swika na khothe, hune zwa vhonala hutshe na u dzhiiwa tsheo husa athu dzudzanyaho. Kha zwigwada izwo zwivhili, tshithihi ndi tsha vhurangaphanḓa ha Archbishop Vho David Mureri.

Zamani o amba zwauri husa athu uvha na phambano kerekeni, ene na dzinwe thama dzavho vho ḓou tumbula khwairi ya vhanna ye ya takalelwa nga tshivhidzo musi hu na maguvhangano a kereke. Zworalo musi kereke yo no bva zwigwada zwivhili, ṱhama idzi vhovha vha si tsha dzhena kereke nthihi fhedzi vha tshi ḓi dalelana vha tikedzana. Musi Zamani a tshi vhudzwa nga ha guvhangano ḽa vhaswa, o ḓou vhona uri zwo fanela uri a ye khalo he a bva hayani hawe Masisi o livha guvhanganoni hune havha vhukule hau fhira khiḽomitha dza fusumbe.

“Hovha hu hone ndi tshi swika musi ṱhama dzanga vha tshi nkhumbela uri ndi mbvumbvuse vho vhaswa luvhanḓeni. Ndo tou imba luimbo luthihi fhedzi lune nda lu funesa zwe tshivhidzo tsha lu takalela nga vhukuma. Vho ḓou nkhumbela uri ndi imbe luṅwe lune lwa ḓivhea kerekeni ndi he ha thoma u ṱanganana ngomu kerekeni. Ho ṱangana na thama dzanga vha khou ntwela zwanḓa, zwo ḓou sumbedza zwi songo dzula zwavhuḓi na Archbishop Vho David Mureri,” a amba.

O amba zwauri muarchbishop vhovha vha songo takala nga uvha hawe kerekeni fhedzi vha bvela phanḓa nau netshedza vhaswa zwiṅwalo. “Ndovha ndi si na dzangalelo kha zwiṅwalo, fhedzi ṱhama dzanga" vho ḓou nṱuṱuwedza uri ndi ye u wana nthihi sa vhaṅwe. Musi ho swika nṋe, muarchbishop vho ḓou mbudza maṱoni zwauri avha takalela muvhala mudala we ndavha ndo u ambara. Vho ḓouri ndi khwine ndi bvule tshiambaro tsha muvhala uyo, fhedzi nda hana ndi he vha mbudza zwauri ndi khwine ndi tou utuwa kerekeni yavho. Ndovha ndo neiwa tshiambaro tsha kereke nga munnaavhane khotsi anga vhe vhavha vhe muporofita muhulwane hone vhe mudinda wa mudzimu. Ndovha ndi sa vhoni zwa khakhea uri ndi zwi ambare,” a ambara.

Vidio ya khuḓano vhukati ha vhuvhili ha Zamani na muarchbishop yo ḓou anḓadzwa kha zwileludzi zwa vhudavhidzani he ya leleḓa lwa maḓuvha a tshivhalo.

Kha iṅwe vidio, munna ane aḓi vhidza Ramafhungo Nedzamba, ane ari u muraḓo wa kereke ya  Tembisa-branch-card-carrying ho ḓou thoma ene u ṱhasela Zamani , a tshi mu pomoka uri u touvha muruma ubva kha vhane vha lwa na muarchbishop uri aḓe u kwasha kereke ya muarcbishop..

“Ndo pfa ndo nyamiswa nga zwe muarchbishop vha ita. Vha murangaphanda ane nda vha ṱhonipha zwihulu. Ndo pfa ndo nyadziwa, avha tou vhona nne na tshiimo tshanga ndi khou thathiwa kerekeni nga nḓila iyi. Nne athi muthihi na nndwa dzine dza khou ita ngomu kerekeni yavho. Ndi ḓo dzulela uvha muraḓo o fhelelaho wa kereke ya UAAC hone ndi ḓo dzulela u dalela ṱhama dzanga ndi sa sedzi uri murangaphanḓa wavho ndi nnyi,” a amba.

Zamani uri zwe muarchbishop vha ita zwovha zwi songo fanela.Mbudziso dzo fanelaho dzo rumelwa muambeli wa muarchbishop Vho David Mureri, Vho Naledi Tsedu. Vho fhindula zwauri musi husina vhutanzi hau sumbedza muthu akhou thathwa kerekeni, murado wa kereke otou humbelwa uri a dzule fhasi sa izwi tshumelo ya kereke yovha I kati. “Kereke ya UAAC Third Generation tshi do dzulela u alusa nau vhupo ha khwine kha mirado ya kereke yashu,” vha amba.

Vho Tsedu vho amba zwauri khudano vhukati ha avho vhavhili yovha isa tumanyi fhethu na tshiambaro tsha kereke.

Date:15 July 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 186