ADVERTISEMENT:
Mulisa Malindi a bvaho Tshandama ane a ṱuṱuwedza vhaswa uri vha shumisa zwine vhavha nazwo u bveledza zwiṅwe zwine zwa vha ḓo shumisa u ḓi unḓa. Tshifanyiso tsho bveledzwa.
Tshiṱori nga Thembi Siaga. Ṱhalutshedzo nga Khathutshelo Raliphaswa.
Mulisa Malindi a bvaho Tshandama o thoma lwendo lwawe lwa u vhaḓa thanda nga hone u vhona vhaaluwa vha vhakalaha vhe na vhukoni, hu tshi katelwa na khotsi awe Vho Joseph Malindi. Mukalaha Vho Malindi vhovha vha tshi kona u dzhia thanda dzazwo vha vhaḓa zwishumiswa zwi kungaho nga vhutsila havho. O ṱuṱuwedzwa nga u vhona vhutsila ha vhaaluwa avho, Mulisa o ḓou dzhia tsheo yau guda zwau vhaḓa dzi thanda.
A tshe muṱuku, Mulisa ovha oḓi nekedzela khau shumisa tshifhinga tshawe a tshi lavhelesesa kushumele kwa vhatsila nau pfesesa nga ha vhundeme ha mvelele kha zwivhaḓwa. Naho ovha e si na pfumbudzo yo linganaho ya zwau vhaḓa, u ḓi imisela hawe khau ṱuṱula vhutsila hawe zwi touvha vhuṱanzi ha mishumo yawe sa izwi a tshi ṱuṱula vhukoni hawe misi yoṱhe.
Nga tshenzhemo nau ṱuṱula vhukoni hawe o ḓouvha mutsila makone he a thoma u rengisa zwivhaḓwa zwawe kha vhathu vha tsini. U kona hawe u ṱanganya miolo ya zwa musalauno na zwa sialala zwi kunga maṱo na mbilu dza vhanzhi.
Malindi u shumisa thanda dzine a tou ṱoḓa dzi thavhani dza tsini dzine a shumisa u vhaḓa vhutsila hau fhambana, u fana na ngoma dza sialala na u vhaḓa dzi phukha dzau nakisa, na hone u vhaḓela vhathu zwenezwo zwine vhavha vha khou takalela zwone vhone vhane. “Ndi livhuwa thikhedzo ine ndai wana u bva kha vhathu hafha nnḓa Vhane vhantikedza nga urenga na thithuwedzo. Zwivhaḓwa zwanga zwi dovha hafhu zwavha zwa u vhulunga nau takulela nṱha mvelele; muthu muṅwe na muṅwe u na zwe a hwala zwine zwa ṱumanya zwilala na zwiswa,” a amba.
Lwendo lwa Mulisa lwovha lu songo tou leluwa hoṱhe. Iṅwe yadzi khaedu ine a ṱangana nayo ndi musi vhathu vha tshi sala vha sa badeli masheleni a mishumo yawe. O livhuwa ngeletshedzo na thikhedzo zwe a zwi wana kha vhaaluwa vhe vha mu thusa kha u ṱuṱula vhukoni hawe. “Vhovha vha tshi dzulela u nthusa ngau ndulamisa kha vhukhakhi hanga nau ndededza. Ndo ḓou zwi vhea zwanḓani zwanga uri ndi fanela u thusa vhaṅwe khau vhaḓa, ndi na fulufhelo ḽauri ndi khou kovha nḓivho na mirafho iḓaho,” a amba.
Mulisa uri vhaswa vha fanela u shumisa zwishumiswa zwire hone uri vha kone u ita zwine vha ḓo kona u ḓi unḓa ngazwo u fhira u dzula vhe na vhukoni fhedzi vho lindela thuso ya muvhuso fhedzi.
Date:10 July 2024
Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.
Thembi studied at the Tshwane University of Technology, where he completed his diploma in Journalism in 2021.
Read: 153
ADVERTISEMENT
ADVERTISEMENT:
As South Africa continues its pursuit of economic growth and industrial sustainability, attention is being drawn to a crucial yet often overlooked segment of the workforce: artisans. Acknowledging this need, the Manufacturing, Engineering and Related Services Sector Education and Training Authority (merSETA) has become a major role player in the Decade of the Artisan (DoA) initiative of the Department of Higher Education and Training (DHET).
ADVERTISEMENT:
ADVERTISEMENT