ADVERTISEMENT:
Rofhiwa “Topias Dangerous” Maphupha. Tshifanyiso tsho bveledzwa.
Tshiṱori nga Victor Mukwevho. Ṱhalutshedzo nga Khathutshelo Raliphaswa.
Mugudisi-mulangi wa ramavili wapo Rofhiwa “Topias Dangerous” Maphupha , Vho Paul “Cruel Vulture” Masindi, vhari vha ḓi vhona mulandu khau tendela ramavili uri a imedzane na Siseko Teyise kha nndwa yau bvisiwa ngei East London nga Sondaha ya ḽa furaru Fulwi sa izwi vhovha vha khou zwi ḓivha zwauri Rofhiwa ovha a sa khou vuwa zwavhuḓi.
Vho Masindi vhari Rofhiwa o thoma uvhana u gungula nga ha u sa ḓipfa zwavhuḓi he ari u khou pfa u vhavha dangani nga Mugivhela nga madekwana fhedzi a pfa e khwine nga matshelo a Sondaha i tevhelaho. “Nga masiari a Sondaha, o ḓou mmbudza zwauri u khou pfa asina nungo, fhedzi a vhona uri u fanela u dzhenelela nndwa iyo sa izwi i nndwa ine ya ḓivhadza arali ramavili a tshi ḓo imedzana na ramavili wa vhugwena wa Afrika Tshipembe zwa zwino ane a dovha hafhu avha ḽigwena kha muṱaṱisano wa World Boxing Organisation (WBO), Nompumelelo Tshabalala,” vha amba.
Vho Masindi vho engedza zwauri awara mbili musi nndwa i sa athu u thoma, vhovha vha khou ṱoḓa u litsha nndwa iyo, fhedzi Rofhiwa a humbela u ṋewa tshikhala tsha u lwa nau wana tshikhala tshau lwela vhugwena. “Ndo tendelana nae uri ri savhe nndwa yo swika mafheloni, ro fanela u ya luvhanḓeni ra zwi dzudzanya,” vha amba.
Hu sa athu u fhela mithethe ya furaru kha luṱa lwau thoma, Vho Masindi vho ḓou zwi limuwa uri Rofhiwa ovha a sa khou ḓi pfa zwavhuḓi he avha a khou lingedza nga nḓila dzoṱhe u imedzana na Teyise. “Avha tende ndi tshi amba hezwi, Rofhiwa o kundwa kha luṱa lwau thoma a songo posa vili naluthihi. Ovha o tou ima kha khona a tshi fana na iḽa bege ya vhoramavili. O kundelwa u tshimbila kana u lwa sa Teyise. Na malongwane vho ḓi zwi vhona uri Rofhiwa ovha a sa khou posa mavili he vha imisa nndwa,” vha amba.
Date:09 July 2024
Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.
Read: 149
ADVERTISEMENT
After weeks of excitement and anticipation, Alliance Fuel announced the winners of their TV Giveaway competition. “A huge thank you to everyone who participated - you made this giveaway bigger and better than we ever imagined,” said the marketing team.
ADVERTISEMENT:
ADVERTISEMENT