Bulayo la masindambilu muvhunduni wa Xitlhelani.

Tshiṱori nga Thembi Siaga. Ṱhalutshedzo nga: Khathutshelo Raliphaswa.

Vha muṱa wa ha Grammy Mthombeni wa kusi kwa Xitlhelani Hamalamulele vhari vha khou kundelwa u ṱanganedza u fhira fhano shangoni ha Grammy Mthombeni e a vhulawa nga muthu kana vhathu vha sa ḓivhei nga Mugivhela wa ḽa fumbili-ṱahe Fulwi nga madekwana. Grammy ovha e na minwaha ya furaru na vhana vhavhili musi atshi vhulawa nga nḓila ya tshiṱuhu vhukima.

Vhuhumbulelwa vho ṱuwa vho mu ṱangula ṱhingokhwalwa na masheleni a songo bulwaho tshivhalo nga tshifhinga tsha bulayo ilo. Tshiwo itsho tsho itea kha bada ya R8 nga madekwana a awara ya vhurathi. Tshitumbu tshawe tsho wanwa nga mufhiri wa gondo.

Vho Grace Mthombeni, mme a mufu, vho ṱahisa zwauri vha toupfa na mbilu i tshi khauwa musi vha tshi humbula tshiṱuhu tshe tsha itwa kha ṅwana wavho. Vhari zworalo vho ḓalelwa nga u sinyuwa, hone vha ṱoḓa u vhona tshanḓa tsha mulayo tshi tshi vhonala kha mulandu uyu."Na zwino athi athu u tenda zwavhuḓi uri ṅwana wanga o lovha, ovha e muthu  weavha a tshiszulela u thusa hune anga kona hone. Rovhaisala, hone ri khou fulufhela zwauri mapholisa vha ḓo kona u wana vhaiti vhazwo vha vha valela dzhele,” vha amba.

Vho Khazamula Chabalala, mukhantselera vha kusi uku, vho amba zwauri vha tshe vho shushea nga murahu ha zwe vha vhona. “Sa murangaphanḓa, ndo kwamea vhukuma nga nḓila ye a vhulawa ngayo. Zwovha zwi khou vhavha hone ri tshi vhona uri ro lozwa muswa kha zwine zwa vhonala sa tshiwo tsha u tambudzana ha mbeu,” vha amba.

Muambeli wa mapholisa vunḓuni ḽashu ḽa Limpopo Lt-Col Malesela Ledwaba vho amba zwauri mupondiwa o wanwa e na mbonzhe dzau ṱhavhiwa he a khwaṱhisedzwa zwauri o lovha nga vha tshumelo dza shishi he tshiwo tsha itea hone. “Tshivhangi tsha bulayo atshi ḓivhei zwa zwino, fhedzi ṱhoḓisiso dza mapholisa dzi khou bvela phanḓa,” vha amba.

Ane avha na zwine zwa nga thusa mapholisa kha mulandu uyu anga founela muofisiri wa ṱhoḓisiso Sgt Sharon Rhulani Makhubele kha nomboro dza 081 501 4365, kana vha lidzela nomboro dzau thivhela vhugevhenga dza 08600 10111, kana vha tou isa muvhigo tshiṱitshini tsha mapholisa kana vha shumisa MySAPSApp.

Date:05 July 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 132