Vha ConCourt vhari khothe khulwane i fanela u tandulula nndwa ya vhuhosi ha Vhavenda.

Tshiṱori nga: Anton Van Zyl. Ṱhalutshedzo nga: Khathutshelo Raliphaswa.

Vha musanda wa Mphephu-Ramabulana vho ṱangana na vhuleme hafhu musi vha khothe ya ndayotewa i tshi hana khumbelo ya uri vha tou ḓi ambela na khothe nga vhone vhane. Vha khothe vho hana u ri hu angwe Khosi pfareli kha lushaka lwa Vhavenda hone vhari fhungo iḽi ḽi fanela u thoma ḽa tandulwa khothe dza fhasi.

Vhalushaka lwaha Mphephu-Ramabulana vho isa khumbelo yavho khothe ya ndayotewa (ConCourt) hu nḓila yau lwedzana na tsheo ye ya newa tshifhinga tshofhiraho. Vha khothe khulwane ya Limpopo vho hana u ita ndaela ine ya ḓo kombetshedza uri mulangavunḓu vha khethe khosi pfareli ya lushaka lwa Vhavenda.

Kha khaṱhululo ye ya netshedza nga Lavhuṱanu ḽa fumbili-thihi Fulwi, ho ḓivhadzwa zwiṱuku vhubvo ha mulandu uyu khothe. Ho amba zwauri nga ṅwedzi wa Ṱhangule nga ṅwaha wa gidimbili fumi musi muṱa wa musanda vha tshi khetha Vho Toni Mphephu-Ramabulana sa Khosi ntswa ya lushaka lwa Vhavenda, muphuresidennde wa Afrika Tshipembe Vho Jacob Zuma vho ḓou tenda uri na ngoho vha aniswe sa Khosi ya lushaka lwa Vhavenda, fhedzi zwoṱhe zwo ḓou tshinyala musi Masindi Mphephu-Ramabulana a tshi thoma u lwedzana na tsheo iyo. O amba zwauri, sa ṅwana muthihi fhedzi wa Khosi vhe vha dzama vha Lushaka lwa Vhavenda, u fanela u ḓadza mativha fhedzi a nyadziwa ho sedzwa mbeu yawe sa mufumakadzi.

Vhaimeleli vha Masindi vho ḓou kundelwa u ṱuṱuwedza tsheo ya khothe ya nṱha uri ndi ngani Vho Toni vha songo fanela u thwa kha tshidulo itsho, ndi he mulandu wa thudzelwa kule nga ṅwaha wa gidimbili fumi-rathi. Vha khothe khulwane ya khaṱhululo, vho ḓou vha na dzangalelo kha mulandu uyo he nga Lambamai gidimbili fumi-ṱahe ha dzhiiwa iṅwe tsheo, ye ya dodombedza nga ha vhundeme hau tevhedza milayo ya sialala. Mulandu uyo woḓou vhuelela khothe khulwane he ha shumiswa muṅwe muhaṱuli .

Vha muṱa wa musanda vho ḓou isa khumbelo khothe khulwane ya khaṱhululo vha tshi imedzana na ConCourt, fhedzi zwi si anwe mitshelo khavho. Vhaimeleli vha Masindi vho ḓou isa yavho khumbelo vha tshi lwa na tsheo yauri hu nagwe Khosi pfareli. Khanwe a makumedzwa hovha uri musi Vho Toni Mphephu-Ramabulana vhe vhone vhosi pfareli, ahuna zwine zwa ṱuṱuwedza u tandulula mafhungo a vhurangaphanḓa. Vha ConCourt vho ḓou dzhia tsheo vha tshi ima na Masindi ndi he Vho Toni vha bviswa sa Khosi pfareli.

Nga ṅwedzi wa Luhuhi 2022, vha muṱa wa Mphephu-Ramabulana vho ḓou dzhielwa mbuyelo dzavho nga vha Muvhuso wa vunḓu. Nga Lambamai 2022, vha muṱa wa Musanda vho ḓou ita khumbelo uri mulangavunḓu vha vhee Vho Mavhungu David (Vho Japan) Maphephu sa Khosi pfareli. Fhedzi izwi a zwingo itea, he vha muṱa nga ṅwedzi wa Lara ṅwaha wo faho, vho ḓou isa khumbelo ya tshihaḓu ine ya kombetshedza mulangavunḓu uri vha vhee Vho Japan sa Khosi pfareli.

Vho khothe khulwane vho vhona uri mulandu uyu asi wa tshihaḓu, fhedzi vha sedza zwine zwiteṅwa zwa khumbelo iyo. Vho ḓou amba zwauri khumbelo yovha a ingo tea sa izwi vha khothe khulwane ya khaṱhululo vho wana zwauri Khosi pfareli inga khethwa musi khumbelo ya Masindi yo no sedzuluswa phanda ha khothe khulwane.

Khumbelo ya muṱa wa musanda yo ḓou thudzelwa kule, vha ḓou ita khumbelo ConCourt. Vho dovha hafhu vha ita khumbelo yauri khothe i ṱanganedze khumbelo yavho kha khothe ya khethekanyo ya Limpopo ya khothe khulwane.

Kha khaṱhululo ya Lavhuṱanu, vhahaṱuli vha ConCourt vho amba zwauri vha muṱa wa musanda a vhango ḓisa ṱhuṱhuwedzo dzine dza pfala khauri ndi ngani vha tshi fanela u fhira uya khothe dza fhasi.

Vhahaṱuli vho ḓou pfelana na vha muṱa wa musanda vhasi vha hwese ndaela yau badela masheleni u fana na zwine zwa newa vhathu vhane vha ḓisa khumbelo ine ya hanwa nga khothe. “Ndi ombedzea ḽauri fhungo iḽi ḽi fanela u tandululwa zwavhuḓi hone vhothe vhane vha kwamea khalo vha fanela u zwi dzhiela nzhele. Usavha hone ha lacuna kha vhurangaphanḓa ha lushaka lwa Vhavenda u bva nga Luhuhi 2022 zwi khou vhilaedzi hone zwi fanela u tandululwa nga tshihaḓu,” hu amba muhaṱuli Vho Leona Theron.

Mulandu uyu, zworalo wo swika mafheloni ṅwaha uno u sa athu ufhela. Vha khothe khulwane ya Polokwane vho vhea maḓuvha a ubva nga ḽa fumi-ṱhanu u swika ḽa fumi-ṱahe uri vha pfe makumedzwa a mulandu uyu.

Uya nga Vho Johann Hammann, muimeleli wa Masindi, vho humbela uri vha neiwe vhege mbili, fhedzi vha hanelwa. Vhari vha a timatima uri naa khothe iḓo kona u pfa makumedzwa oṱhe sa izwi ho vheiwa maḓuvha ane a touvha vhege fhedzi.

Date:04 July 2024

By: Anton van Zyl

Anton van Zyl has been with the Zoutpansberger and Limpopo Mirror since 1990. He graduated from the Rand Afrikaans University (now University of Johannesburg) and obtained a BA Communications degree. He is a founder member of the Association of Independent Publishers.

Read: 207