ADVERTISEMENT:
Nakisani Mukande a bvaho Hamphego uri ḽitambwa ḽa Street Life ḽi ḓo kona u bvisela khagala khaedu dzine hathu vha ṱangana nadzo ḓuvha ḽiṅwe na ḽiṅwe. Tshifanyiso tsho bveledzwa.
Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Ḽitambwa ḽe ḽa kandiswa muvhunduni wa Hamphego, ḽine ḽa vhidzwa “Street Life,” ḽo anḓadzwa kha SABC 1. Vhabveledzi vha ḽitambwa iḽi vhari vha na fulufhelo ḽa uri ḽitambwa iḽi ḽi ḓo ita bvumo kha zwirathisi zwa matambwa nga ha zwine vhaswa vha ṱangana nazwo ḓuvha ḽiṅwe na ḽiṅwe. Ḽitambwa iḽi ḽi sumbedzisa nga ha khaedu dzine vhaswa vha ṱangana nadzo kha u ṱangana na zwidzidzivhadzi na vhugevhenga sa nḓila dzine vha kona u tshla ngadzo.
Ḽitambwa iḽi ḽi bvisela khagala u tambudzwa hune vhaswa vha ṱangana naho kha masia manzhi. Ḽi dovha hafhu ḽa isa mulaedza wauri hu na fulufhelo, hu na ndivho yau ṱumanya na vhaṱaleli na u vha ṱuṱuwedza uri vha ṱoḓe thuse na thikhedzo musi vha tshi ḓi wana vhe kha nyimelo dzo imaho ngauri. Ḽitambwa ḽovha ḽo vhetshelwa u tambiwa hafhu kha thelevishini ya SABC 1 nga ḽau thoma ḽa Fulwana nga maṱavhelo a awara ya vhufumi na vhuvhili u swika awara ya u thoma nga masiari.
Muṅwe wa vhatambi dendele hovha Nthumeni Nkhumeleni (21). Ovha e mubvumbedzwa( Londani), e a aluswa nga mme awe sa tsiwana. Ovha atshi ṱoḓa u bvela phanḓa na pfunzo dzawe fhedzi a kundelwa nga yone khaedu ya masheleni. Musidzana uyu o ḓou fhuredzwa nga malume awe, vhe vha mu fulufhedzisa uri vha ḓo muthusa kha pfunzo dzawe, fhedzi zwisi bvelele ngauralo.
“Sa izwi Londani ovha e khau ṱhoga thuso ya shishi nga murahu hau ṱhaphudza murole wa vhufumi-na-vhuvhili o ḓou ḓi wana e kha nyimele ine a rengisa zwidzidzivhadzi na u rengisa vhudzekani,” hu ṱalutshedza Nthumeleni. Kha ḽitambwa, Londani o ḓouvha na mutsiko nga murahu hau tshipiwa nga malume awe musi o kangwa. “Ndi ṱoḓa uri vhaswa vha ṱanganedze nyimele dza mahayani avho vha sa ḓi wane vhe kha nyimele dzine vha ḓo fanela u shumisa nḓila dzine dza ḓo vha sia vhe na mitsiko nga hone u ṱoḓa u wana masheleni,” a amba.
Nakisani Mukande, ane avha mutambi wa minwaha ya furaru ane a tamba tshipiḓa tsha “Director Nakzile Chief” a bvaho Hamphego, uri ndivho yavho ndi u amba nganyambedzano dza ndeme nga ha thikhedzo dzine vhaswa vha fanela uvha nadzo kha vhane vhavha vha khou lwa na dzeme ḽa zwidzidzivhadzi, vhushai, na u tambudzwa. Mukande o thoma lwendo lwawe kha buḓo ḽa zwa maṱamba nga ṅwaha wa 2009 e na minwaha ya fumi-ṱhanu, he a thoma a tshi kandisa dzi video dza miḓai nga u shumisa ṱhingokhwalwa. O ṱahisa zwauri ḽitambwa iḽi ḽi sedzesa na zwivhumbeo zwa miṱa uya ngau fhambana nauri naa zwivhumbeo izwo zwi shela hani mulenzhe kha tsheo dzine vhaswa ha dzi dzhia matshiloni avho.
“Zworalo, ndivho ya ‘Street Life’ ndi u sia tswayo dzine dza ḓo dzula kha vhaṱaleli, zwa vha ṱuṱuwedza uri vha pfelane na avho vhane vha ṱangana na dzi khaedu nau ṱoḓa tshanduko dza khwiṋe kha mivhundu ine vha dzula khayo. Sa musiki wa ‘Street Life,’ ndo wana ṱhuṱhuwedzo kha zwine nda vhona zwi tshi itela matshiloni a vhathu na zwitori zwine zwa bveledza vhutsila nga kha nḓila dzine dzavha dza khwine,” a amba.
Date:04 July 2024
Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.
Thembi studied at the Tshwane University of Technology, where he completed his diploma in Journalism in 2021.
Read: 135
ADVERTISEMENT
ADVERTISEMENT:
As South Africa continues its pursuit of economic growth and industrial sustainability, attention is being drawn to a crucial yet often overlooked segment of the workforce: artisans. Acknowledging this need, the Manufacturing, Engineering and Related Services Sector Education and Training Authority (merSETA) has become a major role player in the Decade of the Artisan (DoA) initiative of the Department of Higher Education and Training (DHET).
ADVERTISEMENT:
ADVERTISEMENT