Miss Venda Pride Queen plus-size u touvha ṱhuṱhuwedzo kha vhanzhi.

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Minwedzi i paḓaho ya rathi yo no fhela tshe Nthuseni Muvhulawa, onangwa uvha Miss Venda Pride Queen ya vha plus size kha muṱaṱisano we wa farelwa White House Tshirolwe Nzhelele. Nthuseni ndi mutshudeni wa gudedzi ḽa Vhembe TVET College. Nthuseni u touvha ṱhuṱhuwedzo kha vhanzhi.

A tshi bva Maniini nnḓa nyana ha Thohoyandou, Nthuseni u ḓi ṱahisa sa muthu ane avha na ndavha, uvha na vhuḓifulufheli, na vhulenda. “Ndi tenda zwauri tshipiḓa tshiṅwe na tshiṅwe tshanga na zwoṱhe zwe nda ṱangana nazwo vhutshiloni zwovha zwi khou nndugisela lwendo lwanga lune ndavha khalwo,” a amba. Lwendo lwawe kha zwa vhonyalunako lwo thoma nga ṅwaha wa 2020, o ṱuṱuwedzwa nga ṱhama yawe Zelda Mutshotsho, e amu ṱuṱuwedza uri a dzhenelele muṱaṱisano wa vhonyalunako. Naho o ṱangana na khaedu sa muthu wa muvhili muhulwane, hu tshi katelwa nau kolelwa kha muṱaṱisano kana nḓowetshumo iyi ine yo ḓala vhathu vha mivhili misekene, Nthuseni o kondelela izwi zwoṱhe sa izwi ovha e na ndivho yau hovhelela zwinzhi vhutshiloni.

“Ndo ṱangana na dzi khaedu musi ndi tshi thoma na lwendo lwanga, naho zworalo, mme anga vho nṱuṱuwedza uri ndi bvela phanḓa na lwendo lwanga. Vho dzulela u mmbudza uri ndi songo nyama ndi dzhenelele miṱaṱisano yau fhambana,” a amba.

U livhuwa thikhedzo ya vhabebi, hone uri u ṱoḓa uvha ṱhuṱhuwedzo kha vhasidzana vhaṱuku uri vha tevhedze ndoro dzavho vha sa ofhi nau ḓi kukumusa nga ha vhumatshelo havho vhe na vhuḓifulufheli. “Ndivho yanga ndi u bvelela zwavhuḓi kha zwoṱhe kha vhutshilo hanga, ndi tshi sia vhathu vhanzhi vho ṱuṱuwedzea nau kona u shela mulenzhe kha khwinifhadza ḽifhasi. Ndi tshi thoma, u tshila na mutsiko wa uvha muswa kha nḓowetshumo iyi, fhedzi zwa zwino, ndi khou ḓiphina nga zwine nda ita na lwendo lwanga,” a amba.

A tshi sedza murahu kha zwe zwa mu ṱuṱuwedza, Ntshumeni o amba nga ha vhundeme ha pfunzo. kha lwendo lwawe lwa buḓo ḽawe. “Lunako lusina pfunzo alu vhuyedzi. Pfunzo ndi ya ndeme sa izwi itshi vulela muthu mavothi,” a amba. O engedza zwauri muṱa wawe ndi vhone vhe vha mu ṱuṱuwedza zwihulu hone ndi vhone vhau thoma kha tshikhedzo na ṱhuṱhuwedzo yawe.  

“Kha nṋe, asi zwa uvha kha muṱaṱisano fhedzi kana u kunda nguwane; zwi dovha hafhu zwavha nga ha u dzhia tshikhala tshiṅwe na tshiṅwe tshine nda ṱangana natsho vhutshiloni,” a engedza. O ṱuṱuwedza vhaṅwe uri vha songo kulwanungo nga nyofho dzine vhavha vha khou ṱangana nadzo kha lwendo lwa zwine vhavha vha khou ṱoḓa ubveledza zwone uri vha kone u swikelela zwinzhi vhutshiloni nau wana zwikhala zwine zwa ḓo vha isa kha vhumatshelo ha khwine.

Date:04 July 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 138