Madzhie o wina mendele wa Bill Rowan Comrades.

Tshiṱori nga:Thembi Siaga. Ṱhalutshedzo nga:Khathutshelo Raliphaswa.

Naa vha itani musi vha khou ḓi lugisela mbambe dza Comrades Ultra-marathon, fhedzi vha huvhala ho sala maḓuvha maṱuku uri mbambe dzi takutshedze?, nga hone u kundelwa u ḓou ambara maṱeki avho au gidima, vha mbo ṱutshela muḽoro wavho kana vha bvela phanḓa vha luka maṅwe maano?

Mugidimi Wapo, Tshilidzi Madzhie a bvaho Maramanzhi o ḓi wana e kha nyimelo i fanaho na iyo. Nga ḽa fumbili-sumbe Shundunthule ṅwaha uno, Tshilidzi o dzhenelela mbambe ya Polokwane City, fhedzi asi fhedze zwavhuḓi sa izwi o ḓou vhaisala mulenzhe. Kha Tshilidzi, izwi zwovha masinḓambilu sa izwi ovha a khou zwi ḓivha uri u khou fanela u ḓi lugisela mbambe dzine dza khou tevhela. Ovha a tshi ḓo kundelwa u gidima khiḽomithara dza fumalo-rathi ubva Durban uya Petermaritzburg o ambara zwienda zwine zwa ḓo mu vhaisa tshifhinga tshoṱhe.

O ḓou ḓelwa nga muhumbulo wau ambara zwienda  zwuisongovaleo zwa( mathaphuthaphu). O ita ṱhoḓisiso dzawe a wana zwauri vhaṅwe vha vhagidimi u mona na ḽifhasi vha ḓi gidima vho ambara mathaphuthaphu. “Maria Ramirez abvaho Mexico ndi muṅwe wa vhagidimi vhane vho kona u swikela zwinzhi vha tshi ḓi gidima vho ambara one mathaphuthaphu. Ndi zwe zwa nṱuṱuwedza uri ndi zwi lingedze na nṋe sa mugidimi, “ a amba.

Musi Tshilidzi atshi thoma zwau gidima nga mathaphuthaphu, o wana uri azwi konḓi sa zwe avha o lavhelela, he a fhedza atshi zwi funa sa izwi mathaphuthaphu atshi ṋea milenzhe yawe tshifhinga tsha u fema. O ḓou thoma na nḓowenḓowe dzawe dza u gidima khiḽomithara dza fuiṋa a zwi vhambedza na migidimo ya khiḽomithara dza fumbili-thii na ya furru-mbili. Zwe zwamu takadza ndi zwauri zwifhinga zwawe zwovha zwi khwiṋe kha zwa murahu.

Ndingo dza vhukuma, dzo ḓa na mbambe ye ya mu netisa. Nga ṅwaha wa 2023, o fhedza mbambe nga 09:17:18, hone ovha e na ndavhelelo dza khwine zw zwino. Tshifhinga tsha khwine tshe a bveledza hovha nga 2017, musi a tshi fhedza mbambe nga 08:06:46, he a pfufhiwa mendele wa Bill Rowan.

Nga ḽa ṱahe Fulwi ṅwaha uno, Tshilidzi ovha tshipiḓa tsha vhathu vha paḓaho zwigidi zwa fumbili vhe vha dzhenelela mbambe ngei Durban. Vhathu vha tshi vhona Tshilidzi e nga mathaphuthaphu vho sala vho akhamala nga vhunzhi, fhedzi vha si mu nyadze. Zwoṱhe zwo ḓou tshimbila zwavhuḓi u vhuya u swika a tshi ṱangana nazwisi zwavhuḓi musi onogidima kilomithara za 72km, he thaphuthaphu lawe lahakea, lelasa murahu a khou gidima nga lithihi.

“Mashudu mavhuya, ndo ḓou vhona vhaṱaleli vhe tsini na bada nda humbela thuso. Muṅwe wavho o ḓou ḓa ndugisa nga tshihaḓu. Ndo ḓou bvela phanḓa na mbambe yanga, nda livhuwa zwoṱhe khae,” amba.

Tshilidzi hango fhedza mbambe iyi fhedzi, fhedzi o kona u rwa tshifhinga tshe a fhedza ngatsho ṅwaha wo fhiraho nga tshifhinga tshine tsha hovhelela awara. O fhedza nga 08:22:39 he wana mendele wa Bill Rowan.

Zwe a limuwa kha nyimele heyi yoṱhe ndi zwauri muthu a ṱoḓi zwienda zwau ḓura uri a kone u gidima. Ari iyi aivhe ngudo kha vhaswa vhane vha bva miḓini ine vha shaya uri vha nga kona u dzhenelela mbambe naho vho ambara zwienda zwine a zwi ḓuri.

Zwa zwino Tshilidzi u dzula Northam, hune a shuma Anglo-American. U ḓovha hafhu avha muṅwali ane a ḓivhelwa bugu yawe ya Tshivenḓa ine ya vhidzwa “Vhusiwana”.

(Ri livhuwa vha Marathon-Photos.com vhe vha anḓadza tshifanyiso tsha Tshilidzi e mutaoni wau fhedza.)

Date:03 July 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area. Thembi studied at the Tshwane University of Technology, where he completed his diploma in Journalism in 2021.

Read: 127