ADVERTISEMENT:
Maria Tshirenda o khethiwa uvha muṅwe wa vhafumakadzi vha sumbe vhane vha ḓo imelela vhafumakadzi vha sumbe ngei Fura kha mitambo ya dzi Olympic. Tshifanyiso tsho bveledzwa.
Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.
Vhupo ha Vhembe ho no bveledza vhatambi vha mitambo yau fhambana, zwa zwino ho bveledzwa Maria Tshiremba, ane o imela u dzhenelela mitambo ya dzi Olympic ngei Fura ṅwaha uno. Maria, a bvaho Hamagau nndanyana ha Dorobo ya Tshitandani, o nangiwa uvha tshipiḓa tsha vhafumakadzi vha sumbe vha Afrika Tshipembe vhane vha ḓo imelela shango ḽashu Fura nga ṅwedzi wa Fulwana.
Maria wa minwaha ya fumbili-malo ovha tshipiḓa tsha tshigwada tsha lushaka ubva nga ṅwedzi wa Nyendavhusiku ṅwaha wo fhiraho, he a thoma udi vhonadza ngei Monastir, Tunisia. Maria o wana gundo vha tshi imedzana na vhatambi vha shango ḽa Kenya kha makhaulatshele zwe zwa swikisa Afrika Tshipembe khau swikelela u dzhenelela miṱaṱisano ya mitambo ya dzi Olympic.
Maria o thoma u tamba mutambo wa rugby nga ṅwaha wa 2021 atshe mutshudeni wa Yunivesithi ya Johannesburg. O sumbedzisa uvha na vhukoni ha maimo, hone a khethwa uvha tshipiḓa tsha thimu ya Lions nga ṅwaha wa 2022. Zwa zwino u tambala thimu ya dzi Bulls.
Maria o amba zwauri ono dzhenelela kha mitambo yau fhambana tshikoloni a sa athu u nanga mutambo wa rugby. O ṱuṱuwedzwa nga vhabebi vhawe uri a ite zwa mitambo tshikoloni. “Vhabebi vhanga vhovha vhatshi dzulela u ṱalela mitambo na uvha vhatikedzi vhahulwane. Zwezwi vha tshi khou ṱalela mitambo, ndovha ndi tshivha na muḽoro wa uḓi wana ndo ambara mivhala ya Afrika Tshipembe, ndo fara fuḽaha ya Afrika Tshipembe. Zworalo, ndo ya nda lingedza mitambo yau fhambana nda shuma ndo ḓi imisela, ndi tshi ḓi vhudza zwauri kana ndi mutambo ufhio na ufhio, ndi ḓo imelela shango ḽanga zwavhuḓi,” a amba.
Uya nga Maria, vhabebi vhawe vha dzulela u mu humbudza zwauri ahuna tshithu tshire na vhuleme tshine tsha ḓa u leluwa vhutshiloni, u shuma u na mafulufulu hone wo ḓi nekedzela, ua kona u swikelela zwithu zwavhuḓi. U shumisa maipfi aya uḓi ṱuṱuwedza kha zwine a ita.
Maria u tenda zwauri pfunzo ndi yone nḓila ya u vula vhumatshelo havhuḓi, fhedzi u livhuwa rugby kha mavothi manzhi e ya a vula kha vhutshilo hawe. Nga murahu hau ṱhaphudza maṱiriki wawe, o ḓou ya yunivesithi he a kona u swikelela u tamba mutambo wa rugby nga nḓila ya khwine. Uri ene ua ṱavhanya u thudzela kule kuhumbulele kwa vhathu kwauri mutambo wa rugby ndi mutambo wa vhanna. “Ahuna mutambo une wo tou itelwa mbeu nthihi. Sa vhafumakadzi, ri hanelwa zwinzhi nau nyadziwa kha mutambo wa rugby, zwine zwa ri ṱuṱuwedza uri ri tambele u ṱoḓa u sumbedza vhathu uri kuhumbulele kwavho asi kwone,” a engedza.
“Naho muthu asina vhukoni kha zwa mitambo, u dzhenelele khau ṱalela mitambo nau enda zwia kona u ni sumbedza nḓila dzau tshila na vhaṅwe vhathu vha kule,” a vhina.
Date:22 May 2024
Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.
Read: 220
ADVERTISEMENT
ADVERTISEMENT:
As South Africa continues its pursuit of economic growth and industrial sustainability, attention is being drawn to a crucial yet often overlooked segment of the workforce: artisans. Acknowledging this need, the Manufacturing, Engineering and Related Services Sector Education and Training Authority (merSETA) has become a major role player in the Decade of the Artisan (DoA) initiative of the Department of Higher Education and Training (DHET).
ADVERTISEMENT:
ADVERTISEMENT