ADVERTISEMENT:

 
 

Vho Phophi Tshimangadzo Mulaudzi (103) vho vhulungwa ngei Madombidzha. Tshifanyiso tsho bveledzwa.

Vho Phophi Mulaudzi vho lovha vhe na minwaha ya 103

 

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Vhalidzi vha u mona na vunḓu ḽa Limpopo na vhaṅwe vha mavunḓu a nnḓa vhovha vho kuvhangana muḓini wa ha Mulaudzi nga Mugivhela wa ḽa fumi-thihi Shundunthule vha tshi ḓisa ṱhonipho na u fhelekedza muṅwe wa vhaḓivhalea vhe vha rangaphanḓa muvhunḓuni ngei Madombidza, Vho Phophi Tshimangadzo Mulaudzi, hayani havho hau fhedzisela. Vho Phophi vho lovha vhe na minwaha ya ḓana na raru nga murahu ha u lwa na vhulwadze ha tshifhinga tshilapfu.

Vhunzhi ha vhalidzi vhe vha amba nga tshifhinga tsha mushumo wa tshihumbudzo nawa mbulungo vho ṱahisa Vho Phophi sa lidzhakanḓila, murangaphanḓa nga mvumbo, na mufumakadzi vhe vha vhavhe na mbonela phanḓa yavhuḓi tshitshavhani. Vho Phophi vhovha vhe makhulu a Phurofesa Vho Bernard Nthambelebni, vhane vhavha vice-chancellor na ṱhoho ya tshikolo kha Yunivesithi ya Venda.

Vho Nthambeleni vho hulisa nau pembela makhulu avho, he vha tshi amba nga havho vhari: ”Vhovha vha tshi tovha tsumbo ya khwine yau sumbedza uri muthu ua kona u swikelela zwinzhi vhutshiloni ngau shumela mudzimu. Vhovha vhe muṅwe wa vhafumakadzi vhe vha lwela mveledziso nga tshifhinga tshavho vhe muswa hone vhovha vha tshi kona kha zwoṱhe zwine vha ita. Vha ḓo humbulwa nga nḓila dze vhavha vha tshi ḓi nekedzela na uvha muraḓo wa tshivhidzo tsha Makhado Christian Centre, na nga ha bono ḽavho sa muraḓo wa tshivhidzo wa kale na kale.” Vho engedza zwauri u fhira havho shangoni zwo sia tshikhala tshine ahuna ane aḓo kona u tshi thivha hone izwo asi kha muṱa wavho fhedzi, fhedzi na kha vhurangaphanḓa ha tshivhidzini.

Muimeleli wa muṱa, Bishop Vho George Mulaudzi, vho vhudza vhalidzi zwauri sa muṱa vho ṱanganedza u xetshelwa havho, naho zwovha zwi khou konḓa u ṱanganedza. “Ria pfesesa nau ṱanganedza zwauri makhulu vho ṱuwa, fhedzi zwi ḓo konḓa kha rine u tshila vhe siho. Hone kha rine sa muṱa, ndi zwa vhuṱhogwa uri ri livhuwe thikhedzo ye ra wana u bva kha vhadzulapo ubva tshe ra ḓivhadza mafhungo au fhira havho shangoni,” vha amba.

 

Date:22 May 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 164

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT