Vho Harry Ranwedzi Nengwekhulu vho pfufhiwa pfufho ya Khuliso.

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Muṅwe wa vhatumbuli vha Black Consciousness Movement vha dovha hafhu vhavha muḓivhi wa maṅwalo vho nothaho, Phurofesa Vho Harry Ranwedzi Nengwekhulu, vhari pfufho ye vha avhelwa yone nga muphuresidenthe Vho Cyril Ramaphosa asi gundo ḽavho vhe vhoṱhe fhedzi ndi ḽa vhoṱhe vhe vha lwela u vhofhololwa ha vharema nga thsifhinga tsha muvhuso wa tshitalula.

Vho Nengwekhulu, vhane vho shuma na vhalweli vha lini na lini – Vho Barney Pityana, Vho Hendrick Musi, na Vho Steve Biko – vho ḓou vhumba dzangano ḽa matshudeni vha Afrika Tshipembe (SASO), vho pfufhiwa oda ya Luthili ya musuku ubva kha vha oda ya lushaka ya Grand Patron President Cyril Ramaphosa. Izwi ndi nga tshifhinga tsha vhuṱambo hau pfufhiwa pfufho idzo he ha farelwa nḓuni ya Sefako Makgatho nga ḽa furaru Lambamai.

Vho Phindile Baleni, vhane vhavha mulangi muhulwane ya nndu iyi ya pfufho dza oda, vho amba zwauri vho pfufhiwa iyi pfufho zwi tshi tevhela u lwa havho uri vharema vha vhofhololwe kha ḽa Afrika Tshipembe ḽine ḽavha shango ḽavho. “Vhovha muḓivhi wa maṅwalo vhe vha ṱhaphudza pfunzo dzavho khwine vha dovha hafhu vhavha rapolotiki vhe vhavha vhe na u ṱoḓa u vhofhololwa ha vharema fhedzi muhumbuloni wavho. Izwi zwo ṱuṱuwedza u sikwa ha mishumo minzhi ya Black Consxiousness na miṅwe minzhi,” vha amba..

Vha tshi amba nga ha khuliso iyi, Vho Nengwekhulu, vhane vha bva kha kusi kwa Lunungwi nnḓa nyana ha Ṱhohoyandou, vho amba zwauri vho takala vhukuma uri khuliso iyi yo ḓa khavho vha tshe muthu a tshilaho. “Ndo takala zwihulu, nga u pfufhiwa pfufho ya khuliso nga muphuresidenthe. Hovha lwendo luhulu lwe lwavha lu songo leluwa, lwe lwa thoma ndi tshe mugudiswa wa tshikolo tsha nṱha ngei Tshakhuma, Venda. Zwovha zwi songo leluwa, fhedzi nga thikhedzo ye vhathu vhoṱhe vhe vhavha vha tshi ṱoḓa u vhofhololwa kha shango ḽavho, vhe vhavha vhe na muhumbulo wa Black Consciousness Movement, zwine ravha zwone namusi. Iḽi asi gundo ḽanga fhedzi, fhedzi ndo ḽi livhisa kha vhathu vhoṱhe vhe vha shela mulenzhe khau khwinifhadzwa ha dimokirasi, vhanwe vhavho vho badela zwihulu ri izwi zwoṱhe zwi itee,” vha amba.

Mishumo yavho yau lwela mbofholowo yo thoma nga minwaha ya gidiḓaṱahe furathi. Vho Nengwekhulu, vhe na Vho Steve Biko na vhanwe, vho fhambana na yuniyono ya lushaka ya matshudeni a Afrika Tshipembe (NUSAS) vhaya vha vhumba dzangano ḽavho ḽa matshudeni vha Afrika Tshipembe (SASO) nga ṅwedzi wa Fulwana 1968.

Nga ḓuvha ḽau rwelwa ṱari ha dzangano iḽo, Vho Nengwekhulu vho ḓou khethiwa sa mudzudzanyi wa tshoṱhe. Nga murahu ha khetho yavho, vho ḓou rangaphanḓa davhi ḽapo ḽa Reef SASO (REEFSASO) Johannesburg, ye yavha i tshi tikedzwa nga matshudeni vha yunivesithi ya Afrika Tshipembe na manwe magudedzi kha ḽa Transvaal.

Vho khethiwa sa muphuresidenthe wa khoro ya vhaimeleli vha matshudeni (SRC) kha yunivesithi ya devhula (ine ya ḓivhiwa sa University of Limpopo). Nga tshifhinga tsha vha rwela ṱari mishumo yavho yau lwela mbofholowo nga ṅwaha wa 1973, vho ḓou ya kha shango ḽa Botswana, he vha dzula vho khuda vha dovha hafhu vha dzula kha mashango manzhi a seli vha sa athu u vhuya hayani. Vho dzhia maimo manzhi kha zwiimiswa zwau fhambana vha sa athu u notha. Zwa zwino vhovha vha khou tshimbidza zwau ambedzana kha luṱa lwa vharangaphanḓa vha sialala vha lushaka, vhe Pretoria.

Date:16 May 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.

Read: 189