Vha foramu ya mabindu  vho hulisa Dr Khensani Xivuri.  

Tshiṱori nga: Silas Nduvheni. Ṱhalutshedzo nga: Khathutshelo Raliphaswa.                          

Pfunzo sa tshipikwa tshau bvelela zwavhuḓi kha vhafumakadzi ndi zwinwe zwa zwithu zwa vhuṱhogwa kha vha davhi ḽa Ṱhohoyanḓou la foramu ya vhulangi ha mabindu (BMF). Izwi ndi zwone zwe zwa ṱuṱuwedza vha BMF uri vha dzhie tsheo yau hulisa Dr Khensani Xivuri, muthu wa u tou thoma u pfufhiwa vhudokotela (PhD) kha Applied data science. Dr Xivuri u na BCom kha informats, BCom (honours) kha informatics, na masiṱasi ya information technology (MIT) ubva Yunivesithi ya Pretoria.

Kha vhuṱambo heha farelwa Khoroni nga Lavhuṱanu ḽa raru Shundunthule, Phurofesa  Vho Mmamoloko Rachidi, vhe vhavha vhe muṅwe wa vhaambi kha vhuṱambo uho, vho amba zwauri pfunzo i khwinifhadza nḓila dzau humbula na vhukoni ha muthu. Vhari vhafumakadzi vha fanela uḓi maanḓafhadza nga kha pfunzo uri vha kone u bvelela zwavhuḓi.

U bvelela ha Dr Xivuri ha zwino zwino, hu katelwa u wana PhD kha applied data science ubva Yunivesithi ya Johannesburg, a ita ḓivhazwakale ya uvha muthu wau thoma u wana vhudokotela kha buḓo iḽo. Thero yawe yo bveledzisa u lingana ha mbeu ha vhathu kha zwa artificial intelligence (AI). Thoḓisiso dzawe dzo bveledza zwauri hu na vhathu vha mbeu dzau fhambana kha zwa AI. Thoḓisiso yawe i dovha hafhu ya netshedza nḓila dzau shumisa AI kha vhalangi na vhabveledzi uri vha kone u bveledza mishumo yavhuḓi.

Nga tshendzhemo ya minwaha i fhiraho ya fumi kha zwa thekiniki, vhulangi, na u khwaṱhisedza, Dr Xivuri o khwinifhadza nḓivho yawe kha mamaga fanaho na Big Four audit na maṅwe mamaga mahulwane kha zwa vhudavhidzani ha thekiniki, hu tshi katelwa na tshenzhemo yau mona na ḽifhasi ye ai wana ubva kha shango ḽa Ireland. Zwa zwino u shuma kha zwa thekiniki ha Vodacom.

“Ndi ṱoḓa u zwi amba hutshe zwino zwauri athibvi fhethu hure na nḓivho ya zwa ikonomi na mabindu. Zwa vhuṱhogwa, ndiuri muvhuso u fanela u ri thusa kha nḓila dza u alusa ikonomi yashu nau vhea vunḓu ḽashu kha luṱa lwa nṱha kha sia ḽa ikonomi,” vha amba Dr Xivuri.

Vha tshi amba nga ḓuvha ḽa vhuṱambo hau pembela, neḓorobo muhulwane wa masipala wa tshiṱiriki tsha Vhembe, Vho Freda Nkondo, vho amba zwauri pfunzo dzi vula mavothi manzhi ane muthu asina pfunzo anga balelwa ua swikelela. Zwi nea vhafumakadzi nḓivho, vhukoni, na vhuḓifulufheli kha vhone vhane zwine zwa ṱoḓea kha sia la zwa mabindu.

Date:14 May 2024

By: Silas Nduvheni

Read: 164