ADVERTISEMENT:
Tshigwada tsha vhoramuzika vha Vhembe na vhaeni vhe vha kuvhangana nga ḓuvha ḽa muṱangano nga hau vusuludza muzika wa sialala wa Tshivenda. Tshifanyiso: Elmon Tshikhudo.
Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Mvuseledzo ya muzika wa sialala wa Tshivenda asi muḽoro fhedzi kha vhaṅwe vha vhoramuzika. Izwi ndi nga murahu hau vhona gaḓa ḽa vhoramuzika vhe vha ḓa kha muṱangano wa nga hau vusuludza muzika wa sialala wa Tshivenda, we wa farelwa Ṱhohoyanḓou. Vhoramuzika avha vha tenda zwauri muzika uḓo vuwa nga huhulu.
Vhafaramikovhe vho fhambanaho vho ṱangana sentharani ya vhutsila na mvelele ya Thulamela nga Mugivhela wa ḽa fumbili Lambamai, hone vhoṱhe vhe vhavha vhe hanefho vhovha vha khou pfana nga ipfi ḽithihi ḽau ṱoḓa u vusuludza muzika wa sialala wa Tshivenda. Muṱangano uyo wovha wo dzudzanyiwa nga dzangano ḽa muzika wa sialala wa Tshivenda (TTM Org).
Vhafaramikovhe avho hu katelwa khoro ya vhutsila ya Thulamela, muhasho wa zwa mitambo, vhutsila na mvelele wa Limpopo, khoro ya vhutsila ya Vhembe, na vhaṅwe vhaḓivhi vha zwa vhutsila kha muzika, matambwa, na vhuṅwe vhutsila hau tou vhoniwa. Hovha na zwifhinga zwa misumbedzo he vhaṅwe vha vhe vha mbvumbvusa vhathu hovha mulwela sialala vha dovha vhavha ramuzika Vho Naledzani Nesthirembe.
Vha tshi amba kha muṱangano uyo, Vho Ishy Malala, vhane vhavha mudzulatshidulo vha TTM Org, vho amba zwauri vhathu vhanzhi vha na mbilaelo nga hau furalelwa ha muzika wa sialala, hone vha vhona uri murafho u ḓaho uḓo wana husina zwe zwa sala zwa vhafa hashu arali husi itwe tshithu u vhulunga sialala yashu.
“Muzika washu au dzhielwi nṱha, izwi ri zwi vhona nga zwifhinga zwa mabepha hune vhoramuzika vha muzika wa sialala vha dzhielwa fhasi nau thudzelwa kule. Izwi zwo ita uri vhoramuzika vhashu vha sedzana na dziṅwe tshaka dza muzika vha furalele muzika wa sialala. Sa vhoramuzika, ri ṱangana na khaedu hune sialala yashu na mvelele zwa nyadziwa. Musi vha tshi sedza dziṅwe tshaka, vha ḓo vhona vha khou sika mizika yavho nga ha sialala yavho. Vha na vhune havho vhune vha vhu bveledza nga kha vhutsila. Na rine ri fanela u dzhia vhune hashu murahu, hune muzika wa Tshivenda wa fanela u vhulungiwa. Ri fanela u humela murahu hune ra bva hone he zwithu zwa thoma, ra wana nḓila dzau vhulunga vhubvo ha muzika washu,” vha amba.
Vho Malala vho amba zwauri vha ḓovha vha khou dalela fhethu ho fhambanaho u mona na tshiṱiriki, vha tshi ṱuṱuwedza vhoramuzika nga ha u sika muzika wa sialala ya Tshivenda. “Aya ndi mathomo azwo. Ro zwi limuwa zwauri vhoramuzika vha fanela u ṱuṱuwedzwa zwifhinga zwoṱhe uri ri kone u vhulunga vhufa na sialala yashu,” vha amba.
Muimeleli wa muhasho wa zwamitambo, vhutsila na mvelele, Vho Vincent Nesthivhodza vho livhuwa mushumo une vhurangaphanḓa ha TTM Org ha khou ita u fana nau dzudzanya muṱangano uyu. “Vho fara nḓila yone. Heyi ndi yone nḓila ine zwithu zwa fanela u itwa ngayo. Sa muvhuso, ri ḓo vha tikedza kha mishumo ine vha ita. Hu ne ra ḓo kona, ri ḓo vha lambedza nga masheleni ubva kha tshikwama tsha khoro ya vhufa na vhutsila,” vha amba.
Date:01 May 2024
Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019. He currently writes on a freelance basis, covering human rights issues, court news and entertainment.
Read: 179
ADVERTISEMENT
ADVERTISEMENT:
As South Africa continues its pursuit of economic growth and industrial sustainability, attention is being drawn to a crucial yet often overlooked segment of the workforce: artisans. Acknowledging this need, the Manufacturing, Engineering and Related Services Sector Education and Training Authority (merSETA) has become a major role player in the Decade of the Artisan (DoA) initiative of the Department of Higher Education and Training (DHET).
ADVERTISEMENT:
ADVERTISEMENT