ADVERTISEMENT:

 
 

Neḓorobo vha Musina Vho Nkhanedzeni Godfrey Mawela (kha tsha uḽa) vha tshi netshedza Khuliso “Sailor” Mudau mpho ya Khuliso kha vhuṱambo ha u mu hulisa kha mishumo yawe sa mutambi wa bola. Tshifanyiso tsho bveledzwa.

Masipala wa Musina vho fara vhuṱambo ha u hulisa mutambi wa bola Khuliso "Sailor" Mudau"

 

Tshiṱori nga: Musina News. Ṱhalutshedzo nga: Khathutshelo Raliphaswa.

Mutambi makone wa mutambo wa bola ya milenzhe  atambelaho thimu ya lushaka ya Bafana Bafana na Mamelodi Sundowns Khuliso “Sailor” Mudau o dzudzanyelwa vhuṱambo ha u mu hulisa ngei Mudzwiri Lodge, Musina, nga Lavhuṱanu ḽa fumbili-mbili Thafamuhwe.

Khuliso (28) o bebwa Musina. Buḓo ḽawe kha bola ḽo thoma atshi tamba bola zwiṱaraṱani zwa Musina a sa athu u thoma uvha muraḓo wa Bennys Care ,JDR Stars. U bva afho o ḓou ya kha Magezi FC, a fhirela kha Black Leopards he a tamba u vhuya a tshi thoma u tambala Mamelodi Sundowns. Zwezwi a khou tambala Mamelodi Sundowns, Khuliso ono tambala thimu ya lushaka ya Bafana Bafana vha tshi imelela shango ḽashu kha zwiphuga zwo fhambanaho.

Neḓorobo vha Musina Vho Nkhanedzeni Godfrey Mawela vhari vhuṱambo uho hau hulisa Khuliso hovha hu ho khetheaho hone ho dzudzanyiwa vhe na fulufhelo ḽauri vhathu vha Musina vha ḓo kona u dzhiela nzhele vhukoni ha vhathu kha masia oṱhe.

“Vhuṱambo uhu vhu touvha tsumbo yauri ri livhuwa mishumo ya mihaga ine ra tshila nayo na zwine vha zwi swikelela. Zwe ra sedzana nazwo zwa zwino ndi u khwinifhadza vhatambi vhashu uri ri kone u bveledza vhatambi vha khwine u fana na Khuliso Mudau,” vha amba.

Vho eletshedza Khuliso uri a thome u vhulunga mashele huu itela nga murahu hau notha kha uvha mutambi wa bola. “Zwiṅwe zwa zwine zwa vhilaedza kha vhatambi vha bola ndiuri vha tshi notha vhunzhi havho vha sala vha si na zwine vha nga sumbedza, zwihulu ngauri buḓo ḽa mutambi wa bola ndi ḽipfufhi. Ndi zwa vhuṱhogwa uri musi buḓo ḽi khou tshimbila zwavhuḓi, muthu a vhe na maano ane a ita. Ri ni tamela Mashudu mavhuya, ri na fulufhelo ḽauri ni ḓo ri imelela zwavhuḓi samudzulapo ubvaho fhasi hamasipala wa Musina hoṱhe hu ne na ya,” vha amba.

Khuliso o livhuwa vha masipala kha u dzudzanya vhuṱambo uhu ha umu hulisa. “Ndi tou fhelelwa na nga maipfi au livhuwa zwe vha nngitela. Ndi zwavhuḓi u huliswa nga vhathu vha hayani, hone ndi fulufhela uri zwi ḓo ṱuṱuwedza na vhaṅwe vhane vha vha na vhukoni.  U huliswa hanga ndi u tou maanḓafhadza khauri ndi shume ndi tshi imelela vhathu vha Musina, Limpopo, na vhaṅwe vha Afrika Tshipembe. Ndi dovha hafhu nda livhuwa vhoṱhe vhe vha ntikedza kale na zwino,” a amba.

 

Date:01 April 2024

By:

Read: 133

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles