ADVERTISEMENT:

 
 

U bva kha monde ndi neḓoro mufareli vha masipala wa tshiṱiriki tsha Vhembe, Vho Tintswalo Bila, tshanḓa tsha minisiṱa wa vhuendeli Vho Amos Fish Mahlalela na neḓorobo vha Collins Chabane Vho Shadrack Maluleke vhe getheni ḽa Shangobni. Tshifanyiso nga: Kaizer Nengovhela

Khuḓano nga ha gethe nntswa Kruger National Park yo tandululwa

 

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Khuḓano ye yavha i hone nga ha u vheiwa ha gethe ntswa vhugalaphukha ha Kruger National Park, gethe ya Shangoni, yo tandululwa hone zwa zwino vho no thoma u shuma. Izwi zwo ambiwa nga tshanḓa tsha minisiṱa wa zwa vhuendela vhupo, Vho Amos Fish Mahlalela. Vhovha vhe tshipiḓa tsha vhaimeleli vhe vha dalela fhethu afho tsini na kusi kwa Mtititi vha tshi ṱola nḓila ine tshumelo ya khou tshimbila ngayo.

Lwendo ulwo lwovha lwo katela neḓorobo vha masipala wa Collins Chabane Vho Shadrack Maluleke, neḓorobo mufareli vha masipala wa tshiṱiriki tsha Vhembe, mukhantselera Vho Tintswalo Bila, na neḓorobo vha Mopane Vho Pule Shai.

Nga nwaha wa 2016, vha muhasho wa vhuendela mashango na vhupo vho netshedza masheleni a swikaho miḽiyoni ya fumbili-ṱhanu wa dzi rannda u lambedza tshumelo yau fhaṱa gethe iyo, fhedzi tshumelo iyo ya imiswa ngauri huvha hu na khuḓano vhukati ha vhadzulapo vha masipala wa Collins Chabane na vha Greater Giyani, sa izwi vhovha vha khou ṱoḓa u vhuedzwa vhoṱhe.

“Fhethu he vhavha hotwa u vhea gethe iyi ntswa ndi mithara muthihi ubva kha gethe ine ya shumiswa zwino nga vhashumi vha SANParks,” hu amba Vho Mahlalela. Vhari gethe iyo yo no shumiswa nga vhashumi vha vhugalaphukha ha Kruger National Park lwa minwaha ya tshivhalo hone yo twa kha thungo lwa devhula ha mulambo wa Shingwedzi tsini na kusi kwa Altein. Kusi uku, hune ha dzula vhadzulapo vha Mtititi, ndi khiḽomithara dza fuṱhanu-raru kha vhubvaḓuvha ha Thohoyandou na khiḽomithara dza furaru-na-nthihi ubva devhula-vhubvaḓuvha ha Giyani hone ndi tsini kha vhathu vha bvaho kha ḓorobo ya Tshitandani.

Tshanḓa tsha minisiṱa vho amba uri hovha na muṱangano wa vhafaramikovhe gammbani ya Mopani rest, he ha swikelelwa Thandululo ye vhathu vhoṱhe vha swikelela khau tendelana khauri gethe iyo iḓo vheiwa ngafhi. “Vhaimeleli vhoṱhe vhovha vhe hone muṱanganoni, hone vho tendelana he thandululo ine ya ḓo vhuedza vhathu vhoṱhe nga u vulwa ha gethe iyo,”

Muthu vhe vha vha livhuwa zwihulu ndi Vhamusanda Vho Livhuwani Matsila vhane vhavha murado wa bodo ya SANParks, kha u vha thusa u tandulula khudano ye yavha i hone.”Ho swikelelwa thendelano ya hune ha do vulwa hone gethe iyo husina u thithiswa. Miṱangano ya tshivhalo vhukati ha vha Mtititi-Madonsi ,Shangoni, vha muhasho wa vhuendela vhupo, na vha SANParks, he vha swikelela kha uvha na thandululo hune vha ḓoya u ṱola tshumelo nga ṅwedzi,” vha amba.

Vho Mahlalela vhari tshumelo yo tikedzwa nga miraḓo yoṱhe ye yavha ina dzi mbilaelo sa izwi zwi tshi ḓo thusa u sika mishumo nau alusa ikonomi yapo kha vhoṱhe vhadzulapo vha masipala wa tshiṱiriki tsha Vhembe na masipala wa tshiṱiriki tsha Mopani.

Vho engedza uri vha ḓovha na nyambedzano na vha dzhendedzi ḽa bada fhano Limpopo uri vha fhaṱe bada i swikaho getheni ya Shangoni ine yavha khiḽomithara dza fuina-ṱahe.

 

Date:19 March 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 192

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles