ADVERTISEMENT:

 
 

Munnaavhane Vho Takalani Magodi, vhe vha vhulawa ngau tsheiwa nga giraindara. Tshifanyiso tsho bveledzwa.

Munna wa Tsianda vho vhulawa lwa tshiṱuhu nga giraindara    

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.            Vhadzulapo vha Tsianda vho vuswa nga masinḓambilu nga Sondaha ya ḽa fumi Thafamuhwe musi vha tshi pfa nga ha u vhulawa ha munna wa vhupo uho. Mufu, Vho Takalani Magodi vha minwaha ya fuiṋa-na-mbili, vho vhulawa lwa tshiṱuhu ngau tou tshetshekwanywa nga giraindara.

Uya nga zwidodombedzwa zwe ra ṋeiwa zwone, Vho Magodi vhovha vhe nḓilani ya ubva tshipotoni tsha hanefho muvhunduni musi vha tshivha na khuḓano na vhanna vhararu, he muthihi wavho a ntsha giraindara a thoma uvha tshea lwa tshivhalo. Vho ḓou lovhela hanefho na zwenezwo.

Tshiwo itsho tshi shushaho tsho bvelela mafhandeni a Tsianda Mafhali nga madekwana a awara ya vhufumi. Uya nga muambeli wa mapholisa a tshiṱiriki tsha Vhembe W/O Vho Vuledzani Dathi vho khwaṱhisedza tshiwo, vhari vho vhigelwa tshiwo itsho he vha ṱavhanya vhaya he tshiwo tsha bvelela hone. Vhori vha tshi swika, vha wana mufu vho eḓela kha tivha ḽa malofha.

“Hu pfala uri vho tou tsheiwa nga giraindara u vhuya u swika vha tshi lovha. Tshivhangi tsha bulayo a tshi ḓivhei zwa zwino. Ho vulwa mulandu wa bulayo, hone ho no farwa muhumbulelwa wa minwaha ya furaru-na-ṱhanu,” vha amba.

Murado wa muvhundu uyo Vho Emmanuel Muofhe, vhane vha vha mudzulatshidulo vha tshiṱokofela tsha Blackstone – he Vho Magodi vhovha vhe muraḓo watsho – vhari vhovha na tshifhinga tshavhuḓi vhe na Vho Magodi fhethu havhudimbvumbusi ha Levubu musi tshiwo itshi tshi sa athu u bvelela. Vhari vhatshe vho shushea nausa kholwa uri Vho Magodi vho fhira fhano shangoni.

“Zwo ri shusha roṱhe. Vho Magodi vhovha vhe munna wa vhuthu nau dzulela u tshila zwavhuḓi na vhathu vhoṱhe vhane vhavha vhe tsini navho. Vhovha vhe na ndoro na pulane dza muṱa wavho, hone vho sia muraga. Nga mugivhela rovha ri khou haseledza nau sea nga ha mutambo wa Chiefs na Pirates wa mugivhela. Zwine zwa vhaisa zwihulu ndi uri muhumbulelwa ndi muthu ane nda mu ḓivha hone wa tsini tsini. Ovha e muthu wavhuḓi zwine nda balelwa u pfesesa uri ndi ngani o ita tshiṱuhu tshingafha kha Vho Magodi, zwine zwa tou rudza mbilu ndiuri o vhona vhukhakhi hawe a humbela u iswa tshiṱitshini tsha mapholisa he ramu fhelekedza na zwenezwo,” vha amba.

Vho Muofhe vhari vho ḓou dalelwa muṱa wo welwaho vha tshi isa ndiliso dzavho. “Ro vhaisala vhukuma, hone mulandu uyu ri ḓou vhea iṱo u swika ri tshi vhona vhulamukanyi. Ri ḓo fhumudzea ngau pfa muvhulai atshi ṱalutshedza uri ndi ngani o tou ita tshiṱuhu tshingafhangafha,” Vho Muofhe vha amba.

Muhumbulelwa, Edzisani Mamphogoro (35), oḓi vhonadza khothe ya madzhisiṱiraṱa wa Vuwani nga Ḽavhuvhili ḽa fumi-na-mbili Ṱhafamuhwe he a hweswa mulandu wa u vhulaha. Mulandu uyu wo fhiriselwa phanḓa kha ḽa furaru Lambamai uri vha bvele phanda na ṱhoḓisiso, hune a khou lindela e tshiṱokisini.

 

Date:18 March 2024

By: Khathutshelo Raliphaswa

Khathutshelo Prudence Raliphaswa started her journey in the media industry by studying Media Consultancy at Boston College in 2018. She continued her studies in journalism at IIE Rosebank College and graduated in 2022. Her passion is to be creative with words and tell stories in a more detailed way. She started as an intern at Limpopo Mirror in 2023 and is primarily responsible for the translations into Tshivenda..

Read: 272

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles