ADVERTISEMENT:

 
 

Vho Nzumbululo Nekhavhambe vhe vha kunda zwihulu kha muṱaṱisano wa vhareili vha nwaha. Tshifanyiso tsho bveledzwa.

Vho Nzumbululo Nekhumbe vho pfufhiwa uvha mureili wa ṅwaha

 

Tshiṱori nga: Kaizer Nengovhela. Ṱhalutshedzo nga: Khathutshelo Raliuphaswa.

Mureili wa zwiendedzi zwa vhalwadze, Vho Nzumbululo Nekhumbe Vha bvaho Mutale, Folovhodwe vho pfufhiwa uvha mureili wa khwine kha muṱaṱisano wa vundu la Limpopo. Vhuṱambo ha muṱaṱisano ho farelwa vhukavha mabupho ngei Bulugwane nga ḽa mbili Thafamuhwe.

Vho Nekhumbe ndi mureili wa zwiendedzi zwisa lemeli hone vha na tshenzhemo ya minwaha ya fumi-na-rath vha tshi reila zwiendedzi zwa vhalwadze.

Vho Nekhumbe vhari vhovha vhe na fulufhelo uri vha ḓo kunda, “Ngauri ndi mureili ane avha na vhuḓifulufheli kha nṋe muṋe ndi dzulela u tevhedza milayo ya magondoni. Husina na u timatima, ndi fulufhela uri ndi ḓo imelela vunḓu ḽa Limpopo zwavhuḓi kha muṱaṱisano wa lushaka,” vha amba.

Hovha na zwiteṅwa zwau fhambana zwe vhareili avha vha ṱaṱisana khazwo, hu tshi katelwa zwiendedzi zwisa lemeli, maṱiraka are na zwigariki nga murahu, vhanna na vhafumakadzi wa khwine kha tshiteṅwa tsha vhareili  vhadzi thekhisi. Vho Nekhumbe vho ṱuwa na pfufho ya masheleni a zwigidi zwa mahumi mavhili tshiphuga, ṱhanziela na masheleni a swikaho zwigidi fumi na zwiṱanu a uvha mufhenyi a fhiraho vhoṱhe.

Vho Moses Nemakhavhani vha vhuendi ha Hope ubva mugodini wa Venetia vho kunda kha tshiteṅwa tsha mureili wa bisi wa ṅwaha, he vha ṱuwa na masheleni a swikaho R15,000, tshipuga na ṱhanziela. Vho Mashudu Bebeda navho vha bva mugodini wa Venetia vho ḓou dzhia vhuimo ha vhuvhili kha tshiteṅwa tsha LDV he vha wana tshiouga, ṱhanziela na masheleni a R10,000.

Vho MEC vha vhuendi na tshumelo ya vhadzulapo, Vho Florence Radzilani, vhari tshipikwa tsha muṱaṱisano uyu ndi u khwinifhadza vhukoni ha vhareili sa izwi hu muṱaṱisano une wa farwa u mona na shango ḽashu. “Muṱaṱisano uyu wovha wo katela vhareili vha zwiendedzi zwihulwane, u fana na mabisi , maṱiraka na dzithekisi. Hafha ndi hone hune ha lingwa vhareili vhoṱhe vho dzhenelelaho, magondoni a nnyi na nnyi,” vha amba.

Vho Radzilani vhari vho takala vhukuma ngau vhona tshivhalo tsha vhareili vhe vha dzhenelela kha muṱaṱisano wa nanwaha, zwihulu ngauri na vhafumakadzi vho dzhenelela nga vhunzhi. “Izwi zwi sumbedza uri vhathu vha dzhiela nzhele muṱaṱisano washu. Zwi ḓo dovha hafhu zwa fhungudza na dzi khombo magondoni,” vha engedza.

 

Date:13 March 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 150

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles