ADVERTISEMENT:

 
 

Tshavhungwe Mmbengwa a bvaho Mulodi e a ngalangala ṅwaha wo fhiraho nga ṅwedzi wa Fulwana. Tshifanysio tsho bveledzwa.

Mme vha na tshililo nga ha ṅwana wavho ea ngalangala mahola 

 

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Mme a ṅwana wa minwaha ya fumi-rathi vhane nwana wavho, Tshavhungwe Mmbengwa, o ngalangala ṅwaha wo fhelaho husina ane a ḓivha uri oya ngafhi, vhari vha tshe na fulufhelo ḽauri ṅwana wavho uḓo vhuya hayani a khaḓi tshila. Nwana uyo o ngalangala nga ṅwedzi wa Fulwana nga ḽa fumbili-mbili nga murahu hau vhuya tshikoloni. Mme a Tshavhungwe ndi Vho Rendani Mushaphi vha minwaha ya furaru-malo vha bvaho Mulodi, vhuponi ha Thengwe vhane vhavha mmea a vhana vhararu.

“Hovha hu khou rothola vhukuma nga helo ḓuvha, nne ndovha ndo ḓi awelela pherani yanga yau eḓela. Zwe a mmbudza hovha uri o vhuya na tshentshi kha masheleni e ndavha ndo mu ṋea uri a ṱuwe nao tshikoloni,” vha amba. Vho engedza ḽauri nga lenelo ḓuvha, vho ḓou mu ṱoḓa thungo dzoṱhe vhasa mu wane he vha fhedza nga uya u vula mulandu wa muthu o ngalangalaho tshiṱitshini tsha mapholisa Mutale.

“U swika na ṋamusi ahuna tswayo ine ya bvisela khagala hune avha hone. Ndi dzulela u ḽora a khou vhuya hayani kha nṋe’” vha amba. Vho engedza uri nga ṅwedzi wa Luhuhi nanwaha vho ṱanganedza ṱhingo i bvaho kha mufumakadzi wa Tshakhuma vhe vhari vho vhona ṅwananyana ane a fana na Tshavhungwe ane a dzula na munna ane avha tshigevhenga tsha khombo vhuponi uho ha Tshakhuma.

“Izwi ndi nga murahu ha u anḓadza tshifanyiso tshawe kha zwileludzi zwa vhudavhidzani. Avho mufumakadzi vho nndaedza uri ndi fanela uḓa na mapholisa sa izwi munna uyo e khombo vhukuma, fhedzi ndo ḓou ya ndi ndoṱhe nga ḽeneḽo ḓuvha, he mashudu mavhi nda wana hu si Tshavhungwa wanga,” vha amba. Vho Mushaphi vhari vha khou humbela muthu ane avha na ṅwana wavho amu vhuise hayani khavho.

Muambeli wa 'Save the Children South Africa', Vho Konanani Mudau vhari tshivhalo tsha vhana vhane vha ngalangala tshi dzulela u engedzea ṅwaha muṅwe na muṅwe. “Zwia vhavha vhukuma uri phesenthe i swikaho furaru ya vhana avho vha wanala vho lovha kana vhasi wanale naluthihi,” vha amba.

Musi vha tshi vhudziswa tshivhangi tshihulwane tsha u ngalangala uhu ha vhana, vhari hu na zwivhangi zwiraru zwine vha nga amba zwone. Vhana vha dzhiiwa nga khani hu tshi itelwa u andisa mabindu a zwidzidzivhadzi, vha shumisiwa u wana masheleni, kana vha tou rengisiwa.

 

Date:11 March 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 177

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles