ADVERTISEMENT:

 
 

Ubva kha monde uya kha tshanḓa tsha uḽa, Vho Justice Mashaba, Vho Peaceful Baloyi, Vho Rirhandzu Mthombeni, Vho Frank Sombane na Vho Amos Mthombeni (malume a mufu) vhe vha fodwa musi vha nyanḓadza mafhungo ya Limpopo Mirror vhoya u dalela muṱa wo welwaho. Tshifanyiso: Silas Nduvheni.

Mugudiswa wa murole wa vhufumi o ṱhavhiwa a lovha.

 

Tshiṱori nga: Silas Nduvheni. Thalutshedszo nga: Khathutshelo Raliphaswa.

Ho ḓala mbilu u bilufhala na zwililo muvhunduni wa Mulamula tsini na Dumela khathihi na kha vhagudiswa na vhadededzi vha tshikiolo tsha nṱha tsha Photani nnḓa nyana ha Malamulele, izwi ndi ngauri hovha na tshwiwo tshe vhagudiswa vhavha na khuḓano ha ṱhavhiwa muṅwe wa vhagudiswa avho a lovha nga Ḽavhuṋa ḽa vhege yo fhiraho. Tshiwo itsho tsho bvelela nga ḓuvha la mitambo ya zwa sialala mudavhini wa tshikolo tsha fhasi tsha Mahlefunye tsini na tsha Photani.

Muambeli wa mapholisa a Limpopo Col Malesela Ledwaba vhari ṱhoḓisiso thangeli dzo bvisela khagala uri hovha na khuḓano vhukati ha vhagudiswa vhavhili, Innocent Mchavi wa minwaha ya 15 (mupondiwa) na muṅwe mugudiswa wa tshiṅwe tshikolo (mupondi). Kha khuḓano iyo, muhumbulelwa o ḓou bvisa tshihali a ṱhavha Innocent a sa athu u shavha. Innocent o ḓou gidimiselwa vhuongeloni he mashudu mavhi a lovhela vhuongeloni.

Vho Ledwaba vhari zwa zwino ahu athu u ḓivhea tshivhangi tsha khuḓano hone ṱhodisiso dzi khou bvela phanḓa nga mapholisa.

Mme a Innocent, Vho Rirhandzu Mthombeni, vhari ṅwana wavho ovha e kha murole wa vhufumi. Musi vha Limpopo Mirror vha tshi dalela muṱa uyo wo welwaho ngei Mulamula, mme a Innocent vhovha vho bilufhala vhukuma nga lufu lwa ṅwana wavho. Vhari vhovha vho lavhelela vhumatshelo havhuḓi kha ṅwana wavho, hone lufu lwawe lwo sia tshipiḓa tshihulu tshine tsha ḓo balelwa u dadziwa na muṅwe muthu.

Vho Mthombeni vhari ṅwana wavho ovha e ṅwana o ḓalaho mafulufulu hone atshi shuma oḓi imisela kha zwoṱhe zwine a ita, Ovha a tshi vhea pfunzo dzawe phanḓa ha zwoṱhe. “Zwia vhavha u lovhelwa nga ṅwana nga nḓila ya tshiṱuhu ngaurali, ndo pfa ndi sa zwi kholwi musi ndi tshi vhudziwa uri ṅwana wanga o ṱhavhiwa lwe a lovha. Na zwino athi pfesesi uri ndi ngani mugudiswa uyo o dzhia tsheo yau vhulaha ṅwana wanga nga nḓila ya tshiṱuhu sa izwi vhovha vha sa bvi kha muvhundu muthihi. Uya nga ṱhanzi ye yazwi vhona nga maṱo, vhagudiswa avha vhavhili vhovha vha sa athu u vhuya vhavha na khuḓano murahu, zwo ḓi tou thoma lenelo ḓuvha la mitambo,” hu amba mme a mufu.

Vho amba ḽauri hoḓa vhathu vhe vha vho imelela muṱa wa mugudiswa uyo nga Mugivhela wa ḽa raru Ṱhafamuhwe, vha tshi humbela pfarelo, fhedzi a vhango vha fhindula sa izwi vha tshe vho bilufhala. Innocent uḓo vhulungwa nga Mugivhela wa ḽa ṱahe Ṱhafamuhwe, kusini kwa Mulamula.

Mudzulatshidulo wa khorombusi ya tshikolo, Vho Justice Mashaba, vhari sa tshikolo, vha khou thusa vha muṱa kha nzudzanyo dza mbulungo.

Muhumbulelwa o sengiswa malugana na tshiwo itsho hone ovha o fanela udi vhonadza khothe ya mazhisiṱiraṱa wa Malamulele nga Musumbuluwo wa ḽa iṋa, fhedzi hango ḓi vhonadza. Tsedzuluso dzi khou bvela phanḓa.

 

Date:11 March 2024

By: Silas Nduvheni

Read: 220

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles