ADVERTISEMENT:

 
 

Vho Hilda Mudau. Tshifanyiso tsho bveledzwa

Vho Hilda Mudau vho anḓadza nyimbo ntswa

 

Tshiṱori nga: Kaizer Nengivhela. Ṱhalutshedzo nga: Khathutshelo Raliphaswa.

Vho Hilda Mudau, ramuzika vha bvaho Hamandiwana vho bvisa nyimbo yavho ya Afropop, ine ya vhidzwa Yalonga khwanda yonwa, nga ḽa fumi-na-mbili Luhuhi. Nyimbo iyo, naho itshe na dzi vhege dzi si gathi yo anḓadzwa, i khou shuma zwavhuḓi kha thengiso hone i khou takalelwa nga vhathu vhanzhi.

Vho Mudau vha tenda zwauri muzika ndi luambo lwa nnyi na nnyi une muthu anga u shumisa u davhidzana na vhathu vha bvaho kha masia oṱhe a ḽifhasi. “Naho ro fhambanya nga luambo, muzika ua kona u ri ṱumanya ra pfesesana. Nga muzika hu a kona uvha na mulalo, pfano na dakalo vhukati ha vhathu,” vha amba.

Vhari vha pfa uri muzika u kwama muthu a sathu u u thetshelesa hune aḓi wana a tshi u takalela. “Ndi azwi ḓivha uri zwia konḓa u bvelela kha nḓowetshumo ya muzika, fhedzi zwa zwino ndo takala. Nga kha thikhedzo ya vhatevheli vhanga, ndi khou sendela kha vhuyo hanga ḓuvha ḽiṅwe na ḽiṅwe,” vha amba.

Musi vha tshi vhudziswa uri vha ḓo zwi kona hani u ḓivhadza vhathu nga ha muzika wavho, vhari u kanḓisa muzika vhathu vha tshi u vhona zwia konḓa khavho sa izwi vha si na zwishumiswa zwo fanelaho zwa muzika. Vhari vhathu vha ngavha na zwithu zwoṱhe zwine vha zwi ṱoḓa vhutshiloni, fhedzi husina mudzimu, ahuna uri vha ḓi phine kha vhutshilo. “Ro sikwa nga tshifanyiso tsha mudzimu hone ri mu livhuwa nga umu hulisa, kha nne, ndi shumisa muzika umu hulisa nau mu livhuwa,” vha amba.

Vho Mudau vha dovha hafhu vha kaidza vhathu vhane vha tswa mizika ya vhoramuzika vha i rengisa nga masheleni a fhasi vhukuma vhatshietela udivhuyeza. “Ndi fhedza tshifhinga tshinzhi ndi tshi bveledza muzika wanga, fhedzi nga murahu hau anḓadza muzika wanga muṅwe muthu u mbo u tswa a rengisa nga R5 kana R10 zwiṱaraṱani,” vha amba.

Vho ita nau ita khuwelelo kha vhaofisiri vhahulwane uri vha thuse vhoramuzika kha ulwa na u tswiwa ha mizika yavho sa izwi hu ndozwo khulu kha mushumo wavho. Vho engedza ḽauri zwi ṋea vhoramuzika mitsiko musi vha tshi wana mushumo wavho we vhau shumela u vhavha u tshi rengiswa zwiṱaraṱani vhone vha si na mbuyelo khazwo. Vhari vhaiiti vha zwiito izwi vha fanela u farwa na udzhielwa vhukando sa izwi zwi siho mulayoni.

 

Date:07 March 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 173

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles