ADVERTISEMENT:

 
 

Vho Tshianeo Walter Mathidi vhe na pfufho yavha ya uvha rabulasi wa khwine wa ṅwaha i bvaho kha vha Potato SA. Tshifanyiso tsho bveledzwa.

Vho Tshianeo Walter Mathidi vho wana pfufho ya uvha rabulasi wa khwine wa ṅwaha.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Muphuresidennde wa kale wa davhi ḽa Limpopo ḽa dzangano ḽa vhorabulasi vha Afrika Tshipembe (AFASA), Vho Tshianeo Walter Mathidi, vho pfufhiwa uvha rabulasi wa ṅwaha nga vha Potato SA . Vho Mathidi ndi rabulasi vha bvaho Ṱhohoyanḓou.

Pfufho iyo yo netshedzwa kha vhuṱambo ha Potato SA, vhune ha farwa nga murahu ha minwaha mivhili. Vhuṱambo uho ho farelwa hodelani ya Birchwood ngei Boksburg nga ḽa fumi-na-ṱhanu Luhuhi.

Vho Mathidi vha na bulasi ya hekhithara dza maḓana a ṱahe na fumalo tsini nyana na Vivo. Vhovha vho takala vhukuma nga pfufho iyi, he vha ita nau ṱalutshedza lwendo lwavho lwe lwavha lu songo leluwa kha zwa vhundudzi sa rabulasi. “Ndo thoma bulasi yanga ndi na maḓambula nga ṅwaha wa 2021 he nda thuswa nga vha Presidential Stimulus Package. Ndo mbo fanela u notha kha vhuimo hanga hoṱhe kha madzangano a uvha rabulasi uri ndi kone u shuma ndo sedzesa kha mushumo wanga wa bulasini. Ndovha ndi khou ṱoḓa u bvelela nau sedzana na tshithu tshithihi fhedzi,” vha amba.

Vho Mathidi vho amba nga ha u dzheniswa kha mbekanyamushumo ya minwaha miṱanu ya vha Potato SA, ine ya lambedza vhorabulasi nga mbeu dza maḓabula, uvha alusa kha zwa vhubulasi na nḓivho ya zwa rabulasi. Nga ṅwaha wa 2022. Vho Mathidi vho ḓou khethwa sa mudzulatshidulo wa dzangabo la u bveledzisa vhorabulasi kha tshitiriki tsha vhukati, ine ya katela Gauteng, Mpumalanga, North West na Limpopo. “Ndo ḓouvha muraḓo wa bodo ya Potato SA nda shuma kha zwinzhi na kha komiti ya tsedzuluso,” vha amba.

Ndivho khulwane ya muṱaṱisano uyu wa mveledziso ya vhorabulasi ndi yau sumbedza vhorabulasi vha khwine vhe vha pfumbudzwa ubva kha vhorabulasi vha khou aluwaho uri vha kone u alusa ikonomi na nḓivho ya vhubindudzi nga kha uvharabulasi. “Nga ṅwaha wa 2024, vhorabulasi vhana vho swikelela uvha vhorabulasi vha vhuyedzaho nga kha vhubulasi, he na nne ndavha muṅwe wavho. Ndo ḓalelwa nga dakalo. Pfufho heyi ndi ine ya ṱuṱuwedza na u maanḓafhadza zwihulu. Yo nṋea maanḓa auri ndi kone u thusa vhaṅwe vhorabulasi uri vha swikelela he na nṋe nda swika hone. Ndo hulisea zwihulu vhukuma,” Vho Mathidi vha amba.

 

Date:07 March 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 151

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles