ADVERTISEMENT:

 
 

Munnaavhane Tapiwa Makwarani Tazvinga, ane a ḓivhea nga ḽa “Giant” muvhunduni wa Tshikhwani. Tshifanyiso tsho bveledzwa.

Mapholisa vha khou zwimana na vhahumbulelwa kha bulayo ḽa Tshikhwani

 

Tshiṱori nga: Kaizer Nengovhela. Ṱhalutshedzo nga: Khathutshelo Raliphaswa.

Zwiwo zwa vhugevhenga na mabulayo zwi khou vhonala zwi khou anda kha vhupo ha Tshikhwani. Vhugevhenga uho ndi vhune ha shusha vhathu lune vha tou ḓi valela ngomu dzi nḓuni musi ḓuvha ḽi tshi kovhela.

Nga Lavhuṱanu ḽa mbili Luhuhi, ho thuntshwa munna wa minwaha ya fuina – ane a ḓivhea nga ḽa Tapiwa Makwarani Tazvinga, hone atshi vhidzwa nga ḽa "Giant" tshitshavhani, o thunthswa a lovha.

Muambeli wa mapholisa Vho Lt-Col Malesela Ledwaba vhari muvhigo u sumbedza uri vhahumbulelwa vho dzhena vha khokhotha vothi, ndi he vhadzulapo vha thoma u pfa miungo ya tshigidi tshi tshi thuntshiwa lwa tshivhalo. Muhumbulelwa o ḓou shavha nga murahu ha zwiito izwo. Tshivhangi tsha ṱhaselo iyi zwa zwino ayi ḓivhei, fhedzi mapholisa vho vula mulandu wa bulayo.

Vho Ledwaba vho humbela vhadzulapo uri vha shumisane na mapholisa kha u thusa u fara vhaiiti vhazwo uri vha livhanywe na tshanḓa tsha mulayo. Vha khou ita khuwelelo kha vhadzulapo uri arali vha ṱhanzi ye yazwi vhona nga maṱo kana vhare na vhuṱanzi vhu fushaho, vha ise muvhigo kha tshiṱitshi tsha tsini navho.

Hamusanda Vho Mbulaheni Ramabulana, vhe vha ya he tshiwo tsha bvelela hone, vhari ahuna zwinzhi zwine vhathu vha ḓivha nga ha mupondiwa, vha tou ḓivha fhedzi uri vhadzulatsini vho pfa tshigidi tshi tshi thuntshiwa nga madekwa a awara ya vhumalo. Vhari vha humbulela uri Tazvinga u bva shangoni ḽa Zimbabwe.

Vhamusanda Vho Ramabulana vho engedza uri vhugevhenga ho novha thaidzo kha muvhundu wavho."Vhege a i fheli hu songo vhigwa tshiwo tsha vhugevhenga. Vhathu a vhango tsireledzea, lune vha ḓi honela dzi nḓuni dzavho, fhedzi na hanefho a vhango tsireledzea sa izwi mavemu vha tshi vha dzhenela vha vha ṱhasela nḓuni dzavho. Vhugevhenga vhunzhi vhu itea hu tshi shumiswa na zwigidi ha sala vhathu vho lovha. Ri khou dzhiela nzhele mbilaelo dza vhathu hone ro ḓi misela u lwa na vhugevhenga sa tshitshavha," Vha amba.

 

Date:12 February 2024

By: Kaizer Nengovhela

Kaizer Nengovhela started writing stories for Limpopo Mirror in 2000. Prior to that he had a five year stint at Phala-Phala FM as sports presenter. In 2005 Kaizer received an award from the province's premier as Best Sports Presenter. The same year he was also nominated as Best Sports Reporter by the Makhado Municipality. Kaizer was awarded the Mathatha Tsedu award in 2014.

Read: 144

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles