ADVERTISEMENT:

 
 

Risuna Sithole (19) a bvaho Bungeni, ndi ene Miss Hlanganani wau thoma. Tshifanyiso tsho bveledzwa.

Miss Hlanganani oḓi imisela u ḓisa tshanduko kha muvhundu wa Bungeni

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Risuna Sithole wa minwaha ya fumi-na-ṱahe a bvaho Bungeni okunda kha muṱaṱisano wa vhonyalunako wa Miss Hlanganani. Vhuṱambo uho ha vhonyalunako ho farelwa holoni ya muvhundu wa Njaka-Njaka mathomoni a ṅwaha uno. Kha muṱaṱisano uyo hovha hu khou ṱaṱisana vhonyalunako vha fumbili he Risuna a kunda vhoṱhe.

Risuna uri ovha a sa khou vhona muṱaṱisano uyu sa muṱaṱisano fhedzi, o u vhona sa vhugalatenga hau ḓi alusa na u sumbedzisa vhukoni hawe ha u fhambana. Lwendo lwawe lwo thoma nga u tou ḓi tamela zwavhuḓi: uvha ṱhuṱhuwedzo kha vhaṅwe, husi kha luvhande luhulwane fhedzi, fhedzi na kha muvhundu wahawe.

Zwa zwino u na mabannda a fumi-na-raru kha dzina ḽawe, hu tshi katelwa uvha muṅwe wa vha khwine na muimeleli wa Teen Universe Afrika Tshipembe. Risuna u touvha tsumbo ya u bvelela. Naho zworalo, u bvelela hawe zwi fhira gundo ḽawe e eṱhe; zwi sumbedzisa udi nekedzela kha muvhundu wawe na zwire tsinitsini na mbilu yawe.

“U fhira zwithu zwa mavhaivhai, ndi muthu ane a imelela pfunzo, nyaluwo na mveledziso, na mutakalo wa muhumbulo, hone ndo ḓi vhudza u shumisa tshikhala itshi tshe nda ṋeiwa tshone uri ndi kone u thusa vha lilaho na u ṱhoga. Ndo no thoma na fulo ḽa “Uvhuyela murahu yshikoloni”, line la ḓo thusa vhagudiswa kha zwishumiswa zwavho zwa tshikolo, zwiambaro zwa tshikolo na tshumelo dza u ṱuṱuwedza vhagudiswa kha pfunzo dzavho, a amba.”

Risuna u dovha hafhu avha muṅwali na muṱuṱuwedzi, hone u khou shumisa vhukoni hawe u ḓisa tshanduko ine ya ḓovha ya tshifhinga tshilapfu. Bugu yawe, “Within Our Lives”, ye a pfufhiwa uvha muṅwali wa khwine ngayo, i touvha vhuṱanzi hauri u muthu ane avha o ḓi vhudza kha zwine a ita.

Tshumelo dzawe dzi katela uḓi nekedzela kha u shuma husina malamba, u shumela tshumelo tsha tshitshavha, na u rangaphanḓa mafulo ane avha a khou amba nga ha vhutshilo ha ḓuvha ḽinwe na ḽinwe. O dzhenelela madzangano a fanaho na YIMA, Writers Corner Institute, Xalamuka Youth Club, na tshumelo dzau sedzana na vhukoni. Risuna uri zwe aḓi nekedzela khazwo ndi u ḓisa tshanduko muvhunduni wahawe.

 

Date:06 February 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 140

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles