ADVERTISEMENT:

 
 

Mudzulatshidulo wa komiti ya maḓi ya Thulamela, Vho Tovhowani Seemise vhe na muṅwe wa vhadzulapo vha ubva kale vhe Makwarela, Vho Litshani Muthihi, vho lindela maḓi a u ṅwa a tshi nekedzwa. Tshifanyiso tsho bveledzwa.

Vhadzulapo vha Makwarela vha na ṱhahelelo ya maḓi.

 

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Naho ri khou tshila kha zwifhinga zwine havha na ṱhahelelo dza mishumo, u gonya ha mitengo ya zwiḽiwa, na vhaṅwe vhathu vha khou tshila kha vhushai, vhadzulapo vha Makwarela, Sibasa, ine yavha iṅwe ya dzi ḓorobo dza kale kha vhupo ha Venda vhari vha dzula vhe na ṱhahelelo ya nḓisedzo ya tshumelo u fana na maḓi lwa minwaha i paḓaho mahumi mavhili.

Mudzulatshidulo vha komiti ya Thulamela Water Crisis, Vho Tovhowani Seemise, vhari nyimele ya khaedu ya nḓisedzo ya maḓi kha ḓorobo iyi ni yo kalulaho lune vhaṅwe vha vhadzulapo vha shumisa maḓaka a tsini uḓi thusa musi mupo u tshi vha vhidza. Vhadzulapo vhare na mashudu vha shumisa zwiendedzi u kelela maḓi kha mivhundu ya tsini na milambo, ngeno vhare na masheleni vho gwa milonga ya maḓi miḓini yavho. “Ro touvha na mashudu nga u wana maḓi kha mvula ye ya na vhukati ha maḓuvha a nwedzi wa Nyendavhusiku na mathomani a nwaha uno.”

Vho bvela phanḓa nau amba uri vhadzulapo avha farei zwavhuḓi nga u rangiwa phanḓa nga mukhantselara we avha e tshigevhenga hone ono vhuya khothoni. “Vha lavhelela hani vhurangaphanḓa kha muthu we a farelwa u vhulaya?” vha vhudzisa.

Muṅwe wa vhadzulapo vha Makwarela vhane ndi kale vha tshi dzula afho, Vho  Litshani Muthivhi, vhari vha khou dzula nga nyimela dzi konḓaho nga yone ṱhahelelo ya maḓi. “Muḓini wanga ahuna bunga ḽine ra shumisa, hone arali muṅwe washu a vhidzwa nga mupo vhusiku, ri kombetshedea u shumisa maravha uḓi vhofholola hune nnḓu ya sala i na lwefha lwa bungani,” vha amba.

Vho Seemise vhari na namusi, vhadzulapo vhanzhi vha tou renga maḓi. “Ri na minwaha ya furaru-mbili ri kha dimokirasi kha shango ḽashu, fhedzi muvhuso u khaḓi kundelwa u ḓisela vhadzulapo vha Makwarela tshumelo yo fanelaho,” vha amba.

Muambeli wa masipala wa tshiṱiriki tsha Vhembe, Vho Matodzi Ralushai, vho ri fhindula vhari nyimele ya Makwarela a i athu u shanduka hone nḓila dza u khwinifhadza dzo no itwa. “ Hovha na u khwinifhadzwa ubva nga ṅwaha wa gidimbili fumbili-raru, he ha fhedzwa vhupo ha maḓi ha Vondo he ha engedza nḓisedzo ya maḓi kha mivhundu ya tsini. Vharangaphanḓa vha mivhundu vha na vhuḓifhinduleli ha u tsireledza thememveledziso dza maḓi zwa izwi hu na vhane vha tshinyadza ndaka ya vhadzulapo nga nḓila dza u fhambana,” vha amba.

 

Date:29 January 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 167

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles