ADVERTISEMENT:

 
 

Phathutshedzo Siavhe (kha tsha ula) o bva nga naledzi dza sumbe kha milingo ya maṱiriki. O fodwa na mugudisi wawe wa thero ya Chemistry kha tshikolo tsha Elim High, Vho Patience Mkhabele. Tshifanyiso: Thembi Siaga.

Phathutshedzo o bva nga naledzi dza sumbe kha maṱiriki

 

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Phathutshedzo Siavhe wa minwaha ya fumi-na-malo wa tshikolo tsha Elim High, u touvha tsumbo yauri arali muthu o ḓi vhudza na uḓi nekedzela kha pfunzo dzawe, ua kona u bveledza mvelelo dzavhuḓi. Phathutshedzo obva nga neledzi dza sumbe kha mvelelo dzawe dza maṱiriki. Naledzi idzo ndi dza thero dzoṱhe dze Phathutshedzo a ṅwala kha maṱiriki wa ṅwaha wa gidimbili fumbili-ina.

Tshikolo itsho tsha Elim tsho bveledza phesenthe ya fumalo nthihi ya vhagudiswa vhe vha phasa, hone tshikolo tsha Rivoni tsha vhane vhavha na vhulwadze hau vhona vho kona u bveledza 100%, he vhagudiswa vhararu vhe vha bveledza dzi batshela.

Phathutshedzo uri u livhuwa vhagudisi na vhaṱuṱuwedzi vhawe kha u shela mulenzhe uri avha na mvelelo dzavhuḓi kha pfunzo dzawe. Thero ya mbalo hovha yone yo leluwaho khae u fhira dzoṱhe, he a wana 100%. Sa izwi ovha e mugudiswa we avha a tshi ṱangana na dzi khaedu kha thero dza dzhogorafi, Life Orientation na Lungedzi, o di sendedza tsini na vhagudiswa vhe vha vhavha tshi pfesesa thero idzo khwine. U dovha hafhu a livhuwa vhabebi vhawe kha thikhedzo ye vha mu ṋea yone

O bvela phanḓa a ṱalutshedza uri ozwi kona zwoṱhe nga u ṱutshela zwinzhi zwa vhutshilo a sedzana na pfunzo dzawe dza maṱiriki. “Ndo ṱutshela zwithu zwinzhi zwa uḓi mbvumbvusa, u fana nau tamba kaṱara na uya kerekeni. Ndo fanela u sedzana na pfunzo dzanga na nga maḓuvha a mafhelo a vhege uri ndi kone u bveledza mvelelo dzavhuḓi,” a amba.

Phathutshedzo o ḓala nga dakalo uvha o ṱanganedzwa kha magudedzi mahulwane sa Yunivesithi ya Witwatersrand na Sefako Makgatho Yunivesithi ya zwa mutakalo.

Tshanḓa tsha ṱhoho ya tshikolo, Vho Oscar Ramaru, vho fhululedza Phathutshedzo kha mvelelo dzwe, vhari, “Ri a livhuwa uri o vhea tshikolo tshashu kha mapa. Zwi do ṱuṱuwedza vhagudiswa vha maṱiriki vha ṅwaha uno uri vha shume vho ḓi nekedzela kha pfunzo dzavho.”

Remeber Mogale wa minwaha ya fumbili-nthihi, a bvaho Tzaneen, mugudiswa wa tshikolo tsha vhana vha sa vhoni tsha Rivoni o wana vhuimo ha vhuraru kha tshiteṅwa tsha zwikolo zwa muvhuso zwa tshipentshele he a wana naledzi nthihi kha thero ya masheleni. “Ndo ḓalelwa nga dakalo uri ndo kona u wedza ndoro dzanga, ndi livhuwa thikhedzo ya vhagudisi ye vha nṋea yone,” a amba.

 

Date:26 January 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 141

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles