Ndamulelo una ndoro dza uvha mugidimi makone wau mona na ḽifhasi

Tshiṱori nga: Victor Mukwevho. Ṱhalutshedzo nga: Khathutshelo Raliphaswa.

Vho Fhatuwani Mudau, mulangi mugudisi wa mugidimi ane avha Ndamulelo Marubini, vhari vha na fulufhelo ḽauri Ndamulelo u ḓovha munwe wa dzi ngwena kha mitambo vha ḽino shango ḽa Afrika Tshipembe.

Vha tshi amba nga murahu ha u fhenya ha Ndamulelo kha mugidimo wa ṅwaha na ṅwaha wa Jerusalema Chruch Run we wa farwa nga ḽa fumbili-rathi Nyendavhusiku mahola, vhoṱahisa  Ndamulelo sa munwe wa vhagidimi makone vhe vha vhuya vha shuma navho u swika zwino. “Naho atshe muṱuku wa minwaha ya fumi-na-ṱhanu fhedzi, u a kona u gidima khiḽomitha ṱhanu na khiḽomitha dza malo nga luvhilo luhulu. Fhedzi naho zworalo, athi ṱoḓi umu kombetshedza uri a gidime lwa tshikhala tshilapfu,” vha amba.

Ndamulelo okunda kha mbambe ya mugidimo wa khiḽomitha ṱhanu dza vhana vhaṱuklu. “U tendela vhagidimi vhaṱuku uri vha gidime lwa tshikhala tshilapfu zwi vhulaha mabudo avho kha mugidimo. Vha fanela u neiwa khiḽomitha ṱhuku u vhuya u swika vha tshi swika kha minwaha ya fumbili-na-nthihi vha konou neiwa khiḽomithara dzi swikaho fuiṋa-mbili uya nṱha.”

Vho Mudau, vhane navho vha tshe mugidimi zwa zwino hone vho no wana na zwiphuga kha mbambe ya Combrades lwa minwaha ya fumi, vho engedza uri; “Ndi sina nau timatima, ndi tenda uri u ḓovha mugidimi wa vunḓu husi kale,” vha amba.

Ri tshi amba na ene mune Ndamulelo nga murahu ha u Kunda hawe kha mbambe, uri ovha atshi dzulela u ita dzi nḓowenḓowe nga eṱhe a sa athu u ṱangana na Vho Mudau. “Naho ndovha ndi tshi fhenya kha miṱaṱisano ndi tshe tshikoloni kha pfunzo dza fhasi, ndovha ndisa ḓivhi uri ndi zwa ndeme u sedzana na tshifhinga tshine nda gidima tshone, na nga maḓuvha a u ita dzi nḓowenḓowe na Vho Mudau. Ndi tshi thoma u gudiswa nga Vho Mudau zwovha zwi tshi konḓa fhedzi vhovha vha tshi dzulela u mmbudza uri ndi fanela u engedza luvhilo lwanga. Ndi na fulufhelo ḽauri ndi ḓovha munwe wa vhagidimi makone u mona na ḽifhasi,” vha amba.

Date:23 January 2024

By: Victor Mukwevho

Victor Mukwevho Ne-vumbani joined the Mirror during it's inception in 1990. He joined the SABC newsroom in 1995, and was known by  listeners as "A u fhedzisela ari". He was a news editor for The Tembisan Newspaper from 2007 to 2015. He rejoined the Limpopo Mirror newspaper in June 2022 as a freelance journalist.

Read: 166