ADVERTISEMENT:

 
 

Dokotela Vho Phophi Ramathuba, MEC vha mutakalo Limpopo. Tshifanyiso tsho bveledzwa.

Vha BMA vha khou ṱola vhaendi nga murahu ha u ṱaha ha vhulwadze ha cholera

 

Tshiṱori nga: Bernard Chiguvare. Ṱhalutshedzo nga; Khathutshelo Raliphaswa.

Vha muhasho wa mutakalo vhari vha khou shumisana na vha vhulangi ha dzi bodara (BMA), vhane vha langa nau sedzulusa zwibveledzwa na zwishumiswa zwine zwa fhira ubva kha maṅwe mashango uya kha ḽa Afrika Tshipembe. Izwi ndi nga murahu hau anḓadzwa ha tshitandamennde nga vha muhasho wa mutakalo uri ho vhigwa milandu mivhili ya vhuladze a Cholera nga Musumbuluwo, 15 Phando kha vunḓu ḽa Limpopo.

Cholera ndi vhulwadze vhune ha ḓiswa nga tshitjili tsha Vibrio cholerae, hone vhu khombo kha matshilo a vhathu. Hone tsumba dzwedze dza cholera ndi u rithea dangani, u vhuisa zwiḽiwa u tshila na u fhelelwa nga maḓi muvhili.

Shango ḽa Zimbabwe ḽi khou tshendzhema u engedzea ha vhulwadze ha cholera hone vhaṅwe vhathu vha khou lovha nga vhulwadze uho. Uya nga muvhigo we wa anḓadzwa nga vha nyanḓadza mafhungo ya The Chronicle, ya Zimbabwe, yo anḓadza uri hovha na milandu miswa ya 770 ya vhathu vhare na cholera, hone vha humbulela uri vha 16 vho lovha nga vhulwadze uho ha cholera u bva nga Mugivhela wa ḽa fumi-na-raru Phando.

Vha muhasho wa mutakalo Limpopo vho khwaṱhisedza uri vhaongiwa vhavhili, vhoṱhe vha bva kha ḽa Zimbabwe, vha minwaha ya 43 na 27 vho ḓiswa vhuongeloni ha Musina na ha Hellen Franz vhe na tsumbadzwadze dza cholera.

Muambeli wa BMA Vho Mmemme Mogotsi, vhori vha khou shumisana na vha muhasho wa mutakalo u lingedza u thivhela u ṱaha ha vhulwadze uhu nga u sedzulusa vhathu na uvha funza nga ha vhulwadze uhu kha vhupo hau fhambana hau dzhena kha shango ḽa Afrika Tshipembe.

“Kha maano aya, vhaofisiri vha BMA vha khou dovha hafhu vha sedzana na tswayo na tsumbadwadze dza cholera kha vhaendi vhoṱhe. Cholera ndi vhulwadze vhune avhu koni u vhonala nga kha u sedza biso ḽa muthu. Musi vhaendi vha tshi swika, vha BMA vha ita dzi ndingo uri vha ḓivhe arali muendi ono vhuya avha na vhulwadze he a fanela u dzula kule na vhathu huu itela uri vhulwadze havho vhusi phaḓalale, hu amba Vho Mogotsi.”

Vha BMA vho ita khuwelelo kha vhaendi vhoṱhe vhane vha ngavha vhe na tsumbadzwadze dzine dzanga vhonala sa cholera uri vha ise mivhigo kha dzi kiḽiniki dza BMA musi vha tshi swika dzi bodarani, kana vha dalele vhuongelo ha tsini uri vha ṱolwe.

“Hu na vhaofisiri vha mutakalo vha fumbili-na-ṱhanu vhe vha vhewa bodarani ya Beitbridge na vhaofisiri vhaṱanu hune vhathu vha swikela hone. Ri khou dovha hafhu ra wana thuso kha vha EHP uri vha bvele phanḓa na u sedzulusa vhathu. Avho ndi vhane vha ṱola vhathu vha anganyela khombe kha vhathu vhare na tsumbadzwadze dza cholera. Hone vha khou eletshedza vhathu uri vha ṱole maḓi na zwiḽiwa zwine vha ḽa na uṅwa,” Vho Mogotsi vha amba.

 

Date:22 January 2024

By: Bernard Chiguvare

Bernard Chiguvare is a Zimbabwean-born journalist. He writes mainly for the online publication, Groundup.

Read: 159

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles