Muhumbulelwa o farwa a khou ṱangula vhengele Elim

Tshiṱori nga: Thembi Siaga. Ṱhalutshedzo nga: Khathutshelo Raliphaswa.

Munna we avha e na vhaṅwe vhandingo dza u ṱangula vhengela ḽa Total Sports kha mavhengele tserekano a Elim o ḓou farwa a khou lingedza u shavha kusini kwa Mahatlani, Waterval nga Mugivhela wa ḽa fumi-na-raru. Tshiwo tsha u ṱangula tsho bvelela nga awara yau thoma masiari.

Uya nga mapholisa, vho vhigelwa u ṱangulwa uhu ha vhengele he vha swika vha wana ho ṱanguliwa zwienda zwa fumi-na-rathi, ṱhingokhwalwa dza fuṱhanu-rathi na zwinwe zwishumiswa zwa u fhambana hu tshi katelwa na mikhwama. Vha thimu ya Visible task ya mapholisa a Limpopo, mapholisa a Waterval na kha khamphani ya phuraivethe vho ḓou farana zwanḓa vha tshi zwima vhahumbulelwa he vha kona u phuletshedza u fara muthihi wavho.

Muambeli wa mapholisa vunḓuni ḽa Limpopo Brig Hlulani Mashaba vhari vhahumbulelwa vho vhonala vha khou ṱuwa nga tshiendedzi tsha Renault sedan Elim. Vho ḓou salwa murahu u vhuya u swika vha tshi swika kusini kwa Mahatlani, he vha sia tshiendedzi vhashavhela dakani nga milenzhe. Vhadzulapo vho ḓou thusa nga u fara vhahumbulelwa avho.

Vho Mashaba vhari vhahumbulelwa ho ḓou ṱhaselwa nga vhadzulapo, zwine zwa ḓovha tshipiḓa tsha tsedzuluso yavho. Mapholisa vho kona u fara munwe wa vhahumbulelwa ngeno munwe o shavha. “Mapholisa vha tshi swika, vho wana muhumbulelwa e na zwithu zwo tswiwaho na tshigidi tsha 9mm. O ḓou gidimiselwa vhuongeloni ha tsini u wana thuso. Hone u khou lavhelelwa uḓi vhonadza khothe a tshi fhola,

Uyo muṅwe muhumbulelwa ha athu u farwa, fhedzi muthu ane avha na zwine zwa nga thusa mapholisa anga kwamana na Detective Com Captain Hlengani Mabunda kha 082 565 7901, kana kha nomboro dza lushaka dzau thivhela vhugevhenga 08600 10111.

Uya nga ṱhanzi dze dza zwi vhona nga maṱo, vhahumbulelwa vhovha vho valela vhashumi vha Total Sports ngomu vhengeleni. “Vhathu vho mangala musi vhanna vhana vha tshi swika ngomu vhengeleni vha vhudza vharengisi uri vhaye kha inwe phera musi vha khou ṱangula. Mashudu mavhuya ahuna we a huvhala,” vha amba.

Mulanga Elim Mall, Vho Mpho Madadzhe vho khwaṱhisedza tshiwo. “Ndi u thoma hu tshi ṱangulwa vhengele iḽi. Zwithu zwe zwa ṱangulwa zwi khou anganyelwa u ḓura masheleni a swikaho zwigidi zwa fumalo wa dzi rannda,” vha amba.

Date:19 January 2024

By: Thembi Siaga

Thembi Siaga started as an intern during 2021. He assisted with video photography and editing. He also produced numerous small documentaries, focusing on the Vhembe region and its people. Currently he works as a freelance journalist, covering stories in the Elim area.

Thembi studied at the Tshwane University of Technology, where he completed his diploma in Journalism in 2021.

Read: 215