ADVERTISEMENT:

 
 

Vho Mpho Nefuri vha tshi kuvhatevhe mupondiwa. Tshifanyiso tsho bveledzwa.

Mme vho farelwa u shumisa nwana sa phuli ya vhudzekani

 

Tshiṱori nga: Maanda Bele. Ṱhalutshedzo nga: Khathutshelo Raliphaswa.

Ṅwananyana wa minwaha ya fumi-na-sumbe u khou pomoka mmeawe nga u shumisa SA phuli kha  vhudzekani na ṱhama yavho ya tshinnani . Mme avho vhe vhasi bulwe dzine huu itela u tsireledza ṅwananyana uyo sa izwi e muṱuku, vhovha vho farwa nga ḽa fumbili-mbili Nyendavhusiku, fhedzi zwa zwino vho bviswa nga beiḽi. Ṅwananywana uyu uri mmeawe vha minwaha ya fuina vhovha vha tshi mu kombetshedza u ita zwa vhudzekani na avho ṱhama yavho huu itela u wana dzi mpho dza maimo na masheleni.

Nga ṅwedzi wa Nyendavhusiku mahola, ṅwananyana uyo u sumbedza e muthu ane a khou ṱoḓa thuso, hone o ḓou ṱuṱuwedzwa u vhiga mulandu uyo mapholisani. Munwe wa vhathu vhe vha mu thusa ndi Denga “Rita Dee” Nephawe” wa Rita Dee entertainment, wa vhulangi ha vhoramuzika. O vhudza vha nyanḓadza mafhungo ya Limpopo Mirror uri o thusa ṅwananyana uyo u bva hayani hawe ngei Shayandima nga ḽa fumbili-mbili Nyendavhusiku. Mme a ṅwananyana uyo vhoḓi vhonadza khothe lwa u thoma nga vhege yau thoma ya Phando fhedzi vha hanelwa beiḽi. Zwe zwa mangadza vhathu ndi musi vha tshi wana beiḽi kha uḓi vhonadza ha tshiphirini.

Nga murahu hau lungulwa havho nga beiḽi, ṅwananyana o ḓou ya kha zwileludzi zwa vhudavhidzani a tshi amba nga ha zwe zwa bvelela khae. O amba nauri zwiito izwo zwo thoma nga ṅwaha wa gidimbili fumbili-thihi. “Zwi tshi thoma, vhovha ḓisa kha nṋe sa muthu ane a ḓovha khotsi kha nṋe. Vhovha vha tshiri rengela dzi mpho na u ri isa madaloni a maimo.Nga murahu hau vhona uri izwo zwi nḓisela dakalo, mmeanga vho ḓou mmbudza uri ndi fanela uvha takadza nga zine vha ṱoḓa, zwe zwavha zwi vhudzekani, uri vha koneha u bvela phanḓa na u ri nea zwoṱhe zwine ra toḓa,” a amba.

Uri zwiito izwo zwo thoma atshe na minwaha ya fumi-na-thanu. “Ndo no huma ndilani ndi muimana na u thutha vhuimana hanga. Hone huna zwinzhi zwe vha ita kha nne. Ndovha ndi songo tendelwa uvha na dzi ṱhama, kana uya vho hunwe. Ndovha ndi tshi iswa tshikoloni vha dovha hafhu vha vhuya na nṋe. Ndo dou newa ndaela uri ndi songo vhuya nda vhudza muthu na muthihi nga zwine zwa khou bvelela. Ndo lingedza udi haṱula vhutshilo lwa tshivhalo, u vhuya u swika ndi tshi dzhia tsheo yau ṱoḓa thuso,” a engedza.

Zwine zwa vhiledza ṅwananyana uyu ndi uri naho mmeawe vho lungulwa nga beiḽi, muiti wazwo utshe o ḓala ngei nnḓa. “Muthu ane a khou sedzana na mulandu uyu, u vhonala e muthu ane a ṱanganedza tshanḓa nguvhoni na uvha na vhuyaḓa. Hetshi ndi tshililo tshanga tsha u wana thuso. Ndi ṱoḓa vhaimeleli vhane vha ḓo sedzana na mulandu wanga vha ḓisa vhulamukanyi. Ndi tama uri zwe zwa bvelela kha nne zwisi bvelele kha munwe muthu,” a amba nga mbilu vhuṱungu.

Muimeleli wa pfanelo dza vhathu na mutumbuli wa tshiimiswa tsha Nefuri Foundation Mpho Nefuri vho khwaṱhisedza uri ṅwananyana uyu u khou wana thuso ya mutakalo zwa zwino. “Ndi khou sedzana na mulandu uyu uri ndi thuse huvhe na vhulamukanyi. Ha ṱhogi muimeleli, ndi mupondiwa hone u tshe muṱuku. Kha vhana vhane vha lingana na hoyu, riḓo lwa u swika magumoni,” vha amba

Muambeli wa mapholisa a Makhado Sedzheni Tshifhiwa Radzilani vho khwaṱhisedza tshiwo. “Mapholisa vha khou sedzulusa mulandu uyu sa wau tshipa we wa vulwa tshiṱitshini tsha mapholisa a Ṱhohoyandou. Muhwelelwa muthihi o farwa fhedzi a lungululwa nga beili ya R5, 000, ngeno muṅwe muhwelelwa a khou zwimiwa,” vha amba.

Ane avha na vhuṱanzi vhun hanga thuso anga founela Lt-Col Buys kha 082 469 0985.

 

 

Date:19 January 2024

By: Maanda Bele

Maanda  Bele, born and raised in Nzhelele Siloam, studied journalism at the Tshwane University of Technology.

He is passionate about current news and international affairs.

He worked as part of the Zoutnet team as an intern in 2017.

He is currently a freelance journalist specialising in news from the Vhembe district.

Read: 275

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles