ADVERTISEMENT:
Makhulu Vho Tshifaro Takalani, vho fodwa nga ḓuvha ḽa vhuṱambo ha u pembela minwaha ya ḓana. Tshifanyiso tsho bveledzwa.
Tshiṱori nga: Silas Nduvheni. Ṱhalutshedzo nga: Khathutshelo Raliphaswa.
Ḓuvha ḽau thoma ḽa Phando ḽotwa u bebwa ha makhulu Vho Tshifaro Adziambei Takalani, minwaha ya ḓana yo fhiraho. Makhulu Vho Takalani vha bva muḓini u ṱhonipheaho kusini kwa Khubvi Harandima, nnḓa nyana ha Thohoyandou. U pembela minwaha iyo ya ḓana, hovha na vhuṱambo haho musanda wa Mukula nga Mugivhela wa ḽa furaru Nyendavhusiku.
Makhulu Vho Takalani ndi muraḓo vhoḓi nekedzelaho kha tshivhidzo tsha Dutch Reformed kha kusi kwa Mukula. Ndi ṅwana wa munnaavhane Vho Mulangaphuma George na musadziavhane Vho Nyaphophi Magadze. Vhovha vho malwa nga Vhamusanda vho dzamaho Vhamusanda Ramushasha Takalani, vhe vha dadzelwa mativha nga nwana wavho ane ono dzama Vhamusanda Mbangiseni Takalani. Vhamusanda vhane vha khou rangaphanḓa zwa zwino ndi muḓuhulu wavho Vhamusanda Mpfuneni Takalani, ndi muḓulu-ḓulu wavho.
Khotsimunene Vho Rudzani Takalani vhari vhuṱambo uhu ho dzudzanywa nga vhana, vhaḓulu, vhaḓulu-ḓulu na vhazwala vha makhulu Vho Takalani. Vhovha vha khou pembela na u hulisa makhulu kha uvha mme a lushaka na nḓila dze vha shela ngadzo mulenzhe kha u alusa lushaka lwavho lwa minwaha. Vhokhotsimunene Takalani vho ombedzela kha dzi pfunzo dze vha nea lushaka lwavho nga ha ṱhonifho na vhundeme ha lufuno na vhuthihi vhukati ha vhathu. Vhari vhaswa vha fanela u vhea mudzimu na pfunzo phanḓa uri vhavhe na vhumatshelo havhuḓi.
Makhulu Vho Takalani vhari vhone vha dzulela uḽa zwiḽiwa zwa pfushi misi yoṱhe, hone ndi yone nḓila ye vha kona u swika kha minwaha ya ḓana. Vha ṱuṱuwedza vhomme vhaṱuku uri vha dzulela u bikela vhana vhavho zwiḽiwa zwi fanaho na mashonzha, miroho na mitshelo. Vhari vhaswa vha tea u ṱutshela kule na halwa vhaḓi gudise mitshino ya sialala u fana na tshigombelo kha ḓuvha ḽavho ḽinwe na ḽinwe.
Vhuṱambo uho hovha ho loshwa na nga nnḓu dza vhuhosini, hu tshi katelwa na vho Nethengwe, Tshikonelo (Mphaphuli), Rambuda, Rathogwa, Shavhani, na vho Themeli, vhe na ndivho ya u alusa vhushaka. Thovhele Vudzidzhena Nethengwe, vhovha vhe munwe wa vhaambi.
Date:16 January 2024
Read: 233
ADVERTISEMENT
ADVERTISEMENT:
As South Africa continues its pursuit of economic growth and industrial sustainability, attention is being drawn to a crucial yet often overlooked segment of the workforce: artisans. Acknowledging this need, the Manufacturing, Engineering and Related Services Sector Education and Training Authority (merSETA) has become a major role player in the Decade of the Artisan (DoA) initiative of the Department of Higher Education and Training (DHET).
ADVERTISEMENT:
ADVERTISEMENT