ADVERTISEMENT:

 
 

Vha u phulusa vho hwala tshitumbu tsha Violet Managa (15) nga murahu ha u bvisiwa ngomu mulamboni wa Luvuvhu. Tshifanyiso tsho bveledzwa.

Ho ṱhaselwa musidzana (15) mulamboni wa Luvuvhu nga ngwena.

 

Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.

Hovha na mivhigo ya u ṱhaselwa nga dzi ngwena kha vhupo ha Vhembe nga maḓuvha a vhuawelo. Kha vhege nthihi, hovha na zwiwo zwiraru zwa u ṱhaselwa nga dzi ngwena kha vhupo hofhambanaho.

Kha tshiṅwe tsha zwiwo, ho ṱhaselwa ṅwananyana wa minwaha ya fumi-na-ṱhanu musi a khou lovhedzwa mulamboni wa Luvuvhu. Ṅwananyana uyo u bva Tshakhuma Muguvhuni. Tshiwo itsho tshe tsha sia vhadzulpo vha Mahematshena, Dzwerani vho shushea tsho bvelela nga Mugivhela wa ḽa rathi Phando nga matsheloni vhukati ha awara ya vhurathi.

Uya nga muvhigo we wa swikiswa kha vha nyanḓadza mafhungo ya Limpopo Mirror, ṅwananyana uyo u ḓivhea sa Violet Managa, ane avha mugudiswa wa tshikolo tsha nṱha tsha Maswie ngei Tshakhuma, ovha e munwe wa tshigwada tsha vhathu vha malo vhe vhaya mulamboni u lovhedzwa. Ene o dzhena ngomu mulamboni na vhafunzi. Tshigwada itsho ndi vha tshivhidzo tsha African Zioninst ire Dzanawa, Tshakhuma.

Uya nga muambeli wa mapholisa a Vhembe, W/O Vuledzani Dathi, ṅwananyana uyo na vhanwe vhaṱanu vho dzhena mulamboni, ngeno vhanwe vho sala vho ima nnḓa. Vho ṱalutshedza uri musi vhe henefho ngomu ha maḓi, ho ḓou swika ngwena ya mu kokodzela ngomu maḓini. “Vho ḓou vhigela mapholisa, vhe vha swika na vha u phulusa vhathu. Mashudu mavhi vho wana Violet ono fhira fhano shangoni,” vha amba.

Ho vulwa mulandu wau sedzulusa zwe zwa itea. “Ri isa khuwelelo kha vhadzulapo uri vha ṱutshele kule na u dalela milambo na madamu sa izwi hu songo tsireledzea. U ṱhaselwa nga dzi phukha na dzi ngwena zwo anda zwa zwino sa izwi ho vha na mvula khulu vhege dzo fhiraho,” Vho Dathi vha ombedzela.

Vho Osly Nyamande vha bvaho kha siviki ya Tshakhuma, vhari u ṱhaselwa nga ngwena zwo shusha vhadzulapo. ”Nga nnḓa ha tshiwo itshi, he ha lovha munwe washu, rovha na tshinwe tshiwo he vhana vhavhili vha ṱhaselwa nga ngwena, mashudu mavhuya ahuna we a lovha afho, fhedzi vha vhuongeloni. Khumbelo yashu kha vhadzulapo ndi uri vha ṱutshele kule na u dalela milambo na madamu uri vhavhe vho tsireledzeaho,” vha amba.

 

Date:16 January 2024

By: Elmon Tshikhudo

Elmon Tshikhudo started off as a photographer. He developed an interest in writing and started submitting articles to local as well as national publications. He became part of the Limpopo Mirror family in 2005 and was a permanent part of the news team until 2019.

Read: 295

 

ADVERTISEMENT

 

ADVERTISEMENT:

ADVERTISEMENT:

 

Recent Articles

ADVERTISEMENT

 

Popular Articles